00:02 09 Баш оона 2020
Түз эфир
  • USD77.0500
  • EUR91.1694
  • RUB1.0463
Саясат
Кыскача шилтеме алуу
189 0 0

Боронов товарды түздөн-түз сатып өткөрүүгө бир да мамлекеттик органдын укугу жок экенин билдирди.

БИШКЕК, 6-мар. — Sputnik. Жогорку Кеңештин депутаты Азизбек Турсунбаев картошканы экспорттоо боюнча бир гана Айыл чарба министрлиги ур-тепкиге алынып жатканын, аныгында экспорттоо ишине Экономика жана Тышкы иштер министрликтеринин да түздөн-түз тиешеси бар экенин парламенттин жалпы жыйынында айтты.

Биринчи вице-премьер Кубатбек Боронов. Архивдик сүрөтү
© Пресс-служба правительства / Сабыр Аильчиев
Депутат айыл чарба министри Нурбек Мурашевге ал жетектеген мекеме товарларды экспорттогонго укугу барбы деп сурады. Өз кезегинде министр көмөк көрсөтүү боюнча иш жүргүзүшөрүн, бирок экспорт кылуу боюнча министрликтин ыйгарым укугу жок экенин айтты.

Турсунбаев биринчи вице-премьер Кубатбек Бороновго кайрылып: "Картошканы сатып өткөрүүгө Экономика министрлиги укуктуубу?" - деп суроо салды.

Ал эми Боронов бир товарды түздөн-түз сатып өткөрүүгө бир да мамлекеттик органдын укугу жок экенин билдирди.

"Түздөн-түз алып сатуу иштерине кийлигишүүгө бир да мамлекеттик органдын укугу жок. Алар ошого шарт түзүү боюнча иштерди аткарууга милдеттүү, Экономика жана Айыл чарба министрликтери өз уставына жараша иш-аракеттерин жүргүзүүдө", — деди Боронов.

Депутат анда товарларды сыртка экспорттоо боюнча ким иш алып барарына кызыкты.

Биринчи вице-премьер базар экономикасында жашап жаткандыктан ар бир өндүрүүчү өзү же кардарлары аркылуу алып чыгарын, мамлекет ага шарт түзүп бериши керектигин белгиледи.

Бирок депутат өкмөттүн өкүлүнүн берген жообуна канааттанбай, картошканы сатуу иштерине керек болсо элчилер да көмөктөшүүсү керектигин айтты.

"Экономика министрлигинин ошого түздөн-түз тиешеси бар (экспортко — ред.), алар эмне кылып отурат? Тышкы иштер министрлигинин тийиштиги барбы? Элчилер кыймылдабастан эмнеге отурат?" — деди эл өкүлү.

Турсунбаевдин айтымында, картошканы сатуу үчүн учурда бир гана Өзбекстандагы элчи чуркап жүрөт.

"Тажикстандагы, Казакстандагы, Түркмөнстандагы элчилер эмне иш кылып жатат? Ошолордун да түздөн-түз тиешеси бар. Эмнеге көзөмөлдөбөйсүздөр? Экономика министри Олег Панкратов ЕАЭБдин ичинде болуп жаткан тоскоолдуктарды контролдош керек эле. Өзүңөр Казакстан күйүүчү майга салык киргизип койду деп жатасыңар. Эмне үчүн силер башка товарларга киргизбейсиңер? Панкратов силерге жагышы мүмкүн, бирок комитеттин же фракциясынын жыйынына чакырсаң келбейт. Аябай эрке бала кылдыңар, азыр иштеши керек?" — деди депутат.

Эл өкүлү айыл чарба министрин эле карап отура бербей, бул иш боюнча дал ушул Панкратов чуркашы керектигин кошумчалады.

Ал эми Боронов депутаттын сунушун карап көрүшөрүн, Панкратов сырттагы иштерге, анын ичинде ЕАЭБдин жумуштары боюнча көп нерсе жасап жатканын айтты.

Тема боюнча

Иса Өмүркулов КСДПнын съездин өткөрүүгө ниеттенүүдө. Партия эмне дейт?
Белгилер:
экспорт, Картошка, Олег Панкратов, Азизбек Турсунбаев

ЭҢ МААНИЛҮҮ