Момбеков: азыркы өкмөт "түкүрүк өкмөт" деген атка конду

© Фото / пресс-служба ЖК / Ашыркул ОморкуловДепутат ЖК Рыскелди Момбеков
Депутат ЖК Рыскелди Момбеков - Sputnik Кыргызстан
Жазылуу
Эл өкүлүнүн айтымында, ар бир өкмөт өзүнүн ишине жараша аталыш алган.

БИШКЕК, 17-янв. — Sputnik. Жогорку Кеңештин депутаты Рыскелди Момбеков эгемендүүлүк алгандан бери шайланган өкмөттүн ар бири орточо эсеп менен 9 айдан иштегенин жана өзүнүн ишине жараша аты болгонуна токтолду.

Учурда депутаттар ар кандай маселелер боюнча өз пикирлерин айтууда.

"Орточо эсеп менен Кыргызстанда ар бир өкмөт 9 ай гана иштейт экен. Биздин азыркы өкмөт дагы тогузунчу ай иштеп жатат. Ар бир өкмөттүн мөөнөтү жана эл тарабынан берилген дөөлөтү болот, мындайча айтканда, аты болот. Маселен, Роза Исаковнанын өкмөтүн — убактылуу өкмөт, Муралиевдин өкмөтүн — техникалык өкмөт, Бабановдун өкмөтүн — коалициялык өкмөт, Сапар Исаковдуку — технократтык өкмөт деп аталып жүрөт. Азыркы өкмөткө дагы жаңы ат коюлду, коюлганда да "түкүрүк өкмөт" деп бат коюлду", — деди депутат.

Депутат Жогорку Кенеша Марлен Маматалиев - Sputnik Кыргызстан
Депутат Маматалиев: өкмөт отставкага кетсин же ишин жакшыртсын!
Эл өкүлүнүн айтымында, мындай атка конушуна өкмөттүн өзүнүн кадамдары менен адамдары себеп.

Момбеков айып пул болушу керектигин, бирок ал айлыктан көп болбошу зарылдыгына токтолду.

"5 миң сом пенсия алган чалга барып "сиз насвайыңызды түкүрдүңүз, 5500 сом айып төлөңүз" деп айтып көргүлөчү. Жерге эмес, бетиңе түкүрөт", — деди ал.

Депутат, андан сырткары, элге биринчи 30 000 сом айлык берип, анан 10 000 сом айып салса туура болорун кошумчалады.

Жаңылыктар түрмөгү
0