ШКУнун кийинки саммити Бишкекте өтөт. Кыргызстанда көтөрүлчү негизги маселелер

Жазылуу
2018-2019-жылдары Кыргызстан Шанхай кызматташтык уюмуна төрагалык кылат.

ЦИНДАО, 10-июн. — Sputnik. Кыргызстандын президенти Сооронбай Жээнбеков Кытайда өтүп жаткан Шанхай кызматташтык уюмуна мүчө өлкөлөрдүн башчыларынын Кеңешинин жыйынында 2018-2019-жылдары уюмдун күн тартиби кандай болоорун айтты.

ШКУнун эреже жана жол-жобосуна ылайык, учурдагы жыйындын жыйынтыгы менен Кыргызстан 2018-2019-жылдары ШКУ өлкөлөрүнүн жетекчилеринин жыйынына төрагалык кылат. Кийинки саммит 2019-жылдын 14-15-июнь күндөрү Бишкек шаарында өтмөкчү.

Өлкө башчынын сүйлөгөн сөзүн кыскартып беребиз:

"Төрагалык кылуу аралыгында Кыргызстан 2025-жылга чейин ШКУну өнүктүрүү стратегиясынын тапшырмаларын жана башка маанилүү программалык документтерди иш жүзүнө ашырууга өзгөчө көңүл бурмакчы. Биринчи кезекте негизги делген инвестициялык долбоорлорду ишке ашырууга басым жасап, ШКУнун Өнүктүрүү банкын жана Өнүктүрүү фондун түзүү маселесин чечип, унаа менен эл аралык жүктөрдү ташууда жакшы шарттарды түзүп берүү керек деп эсептейбиз.

Экономикалык жана инфраструктуралык долбоорлорду өнүктүрүү үчүн биз мындан ары деле "Бир алкак — бир жол" демилгесин колдойбуз.

Государственный визит президента КР Сооронбая Жээнбекова в Китай - Sputnik Кыргызстан
Си Цзиньпин ШКУ өлкөлөрүнүн башчыларынын арасынан Жээнбековду өзгөчө белгиледи
Бул жерде биз үчүн "Кытай — Кыргызстан — Өзбекстан" темир жолунун курулуш долбоорун ишке ашырууну тездетүү маанилүү".

9-10-июнь күндөрү Циндао шаарында ШКУ өлкөлөрүнүн жетекчилеринин Кеңешинин кезектеги жыйыны өтүүдө.

Анда Шанхай кызматташтык уюмун мындан ары өнүктүрүүгө байланышкан маселелерди карап чыгуу, саясий, экономикалык, маданий-гуманитардык жана коопсуздук, тышкы байланыш чөйрөсүндөгү документтерди бекитүү пландалууда.

Кытай ШКУ өлкөлөрүнүн башчыларынын жыйынын жыйынтыктап, төрагалыкты 2018-2019-жылдарга Кыргызстанга өткөрүп бермекчи.

Жаңылыктар түрмөгү
0