19:31 21 Тогуздун айы 2018
Түз эфир
  • USD69.3251
  • EUR79.3703
  • RUB1.0533
Архивное фото спикера ЖК Дастана Джумабекова

ЖКда Рыскелди Момбеков менен төрага Дастан Жумабеков кайым айтыша кетти

© Фото / пресс-служба Жогорку Кенеша
Саясат
Кыскача шилтеме алуу
182801

Эл өкүлү менен төрага трибунага чыгып сүйлөп жаткандар боюнча талашып-тартыша кетти.

БИШКЕК, 17-май — Sputnik. Жогорку Кеңештин бүгүнкү жыйынында ТЭЦтин айланасында болгон окуяларды иликтеген депутаттык комиссиянын корутундусу талкууланып жаткан учурда Рыскелди Момбеков парламенттин трибунасына мурда кызматтан кеткен кишилерди чыгарып, аларды эксперт катары сүйлөтүп ыйык трибунаны булгабоо керектигин айтты.

"Булар эксперт боло турган болсо анда депутаттык комиссиянын эмне кереги бар? Биз бул жерде комиссиянын корутундусун талкуулашыбыз керек. Мындай болбойт, булардын бардыгы кызматтан алынган кишилер", — деди ал.

Өз кезегинде төрага Дастан Жумабеков суроо жаралганы үчүн тийиштүү кишилер жооп берүүсү керектигин айтып, Момбековго "туурасын сүйлөңүз" деп кайрылды.

"Булар жыйынга чакырылды, суроо туулгандан кийин жооп берүүлөрү керек. Бул жакка чыгып сүйлөсө сиздин эмнеңиз кетип жатат? Кыргызстандын тагдыры чечилип жатат, ошол боюнча сөз болууда. Бул жакка ырдаганы же жыргаганынан чыгышкан жок. Суроо туулуп ошого жооп беришүүдө", — деди төрага.

Жумабеков Момбековду эмоцияга алдырбоого чакырып, парламентте каралып жаткан бардык иштер акыйкат чечиле турганын айтып, талкууну бурмалабоого чакырды.

Белгилей кетсек, Жогорку Кеңеште Бишкек ТЭЦтиндеги аварияны жана модернизациялоого кеткен каражаттын сарпталышын иликтеген депутаттык комиссиянын корутундусун кароо уланып жатат.

Тема боюнча

Момбеков: эркиңер жетеби, Атамбаев менен Жээнбековду чакыргыла!
Бакиров: ТВЕА компаниясын айыпка жыгуу керек
Исаков парламентти "саясий өлүк" деп атаган себебин түшүндүрдү
Белгилер:
ТЭЦ, Жогорку Кеңеш, Бишкек, Кыргызстан
Колдонуу эрежелериПикирлер

ЭҢ МААНИЛҮҮ