Момбеков: өкмөткө чапанын сүйрөп чалдар келиптир

© Фото / пресс-служба Жогорку КенешаДепутат ЖК Рыскелди Момбеков
Депутат ЖК Рыскелди Момбеков - Sputnik Кыргызстан
Жазылуу
Учурда Жогорку Кеңештин кезексиз жыйынында жаңы өкмөттүн программасы угулуп жатат.

БИШКЕК, 20-апр. — Sputnik. Эркелеп келген өкмөт эртелеп кетет экен. Аны тарых көрсөттү. Бул тууралуу эл өкүлү Рыскелди Момбеков Жогорку Кеңештин кезексиз жыйынында жаңы премьер-министрдин талапкерлиги каралып жатканда билдирди.

Ал жаңы өкмөт деген менен курамында "эски" адамдар экенин белгиледи.

"Эркелеп келген өкмөт эртелеп кетет экен. Аны тарых көрсөттү. Келе элек өкмөттүн бере элек чайына ийгилик каалабайын, балдардын өкмөтү бат эле кетти. Эми чапанын сүйрөгөн чалдар келиптир. Жаңы өкмөт деп жакшы сөз айтайын десем, жалаң эле "б/у" өкмөт келиптир. Сиздин биринчи вице-премьериңиз курулушчу, экинчиси милиционер, үчүнчүсү географ, төртүнчүсү тарыхчы экен. Экономиканын эбин кантип табасыз", — деп эл өкүлү премьерликке талапкерди жарга такады.

Премьер-министрди шайлоо боюнча ЖКдагы кезексиз жыйында учурда эмне болуп жатканын бул жерден окуңуз.

Жаңылыктар түрмөгү
0