БИШКЕК, 16-ноя. — Sputnik. Жусупбек Шарипов Кыргызстандын Украинадагы толук ыйгарым укуктуу элчиси болдуп дайындалды. Бул туурасында президенттин маалымат кызматы билдирди.
Тиешелүү жарлыкка президент Алмазбек Атамбаев бүгүн кол койгон.
Ошондой эле өлкө башчынын дагы бир жарлыгы менен Шарипов буга чейин иштеп келген Кыргызстандын Кувейт, Марокко, Иордания, жана Бахрейндеги элчилик кызматынан бошотулду. Бул кызматтарга ал 2015-жылы июнь айында дайындалган.
Кыргызстандын 2015-жылдын 18-декабрынан бери Украинада элчиси жок болчу. Ага чейин бул кызматта Улукбек Чыналиев иштеген.
Жусупбек Шарипов мурда Жалал-Абад облусунун губернатору болгон. 2005-жылдагы президенттик шайлоого талапкер катары катышкан. Жаңыдан президент болуп шайланган Сооронбай Жээнбековдун бир тууган агасы.
