Сот экс-депутат Райкан Төлөгөновду 15 жылга эркинен ажыратты

© Фото / пресс-служба ЖК КР"Ата Мекен" фракциясынын мурдагы депутаты Райкан Төлөгөнов. Архив
Ата Мекен фракциясынын мурдагы депутаты Райкан Төлөгөнов. Архив - Sputnik Кыргызстан
Жазылуу
Өкүмдө Төлөгөновдун мүлкүн конфискациялоо да каралган

БИШКЕК, 27-окт. — Sputnik. Бишкектин Биринчи Май райондук соту "Ата Мекен" фракциясынын мурдагы депутаты Райкан Төлөгөновду 15 жылга эркинен ажыратуу боюнча өкүм чыгарганын анын уулу Иса Төлөгөнов билдирди.

Анын айтымында, соттун чечиминде Төлөгөновдун мүлкүн конфискациялоо да каралган.

“15 жылга эркинен ажыратуу боюнча чечим чыкты. Бирок тергөө абагында отурган мөөнөтү эсептелине элек, мындан тышкары, 3-4 мунапыс берилгени маалым болду. Өкүм окулуп жатканда адвокат зарыл жумуштары менен чыгып кетти эле. Мындан улам так жаза өтөө мөөнөтүн айтуу кыйын. Расмий чечимди алгандан кийин жылы белгилүү болот”, — деди Иса Төлөгөнов.

Ал эми кийинки инстанция — шаардык сотко кайрыла турганын белгиледи.

Брифинг экс-генерального прокурора Аиды Саляновой - Sputnik Кыргызстан
Сот Аида Салянованы эркинен ажыраткан өкүм чыгарды
Эскерте кетсек, Райкан Төлөгөнов 2010-жылдын 7-апрелиндеги мародерчулукка шектелип, 2017-жылдын 28-мартында УКМКнын тергөө абагына камакка алынган.

Экс-депутатка кылмыш жаза кодексинин 30-беренесинин 4-бөлүгү (кылмыш жасоону уюштурган же аны аткарууну жетектеген, уюшкан топту же кылмыштуу шериктерди түзгөн же болбосо аларды жетектеген), 167-берене (тоноону уюштурган), 174-берене (мүлктү атайылап жок кылуу же зыянга учуратууну уюштурган) жана 241-берене (ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү) боюнча айып тагылган.

Уулу Муса Төлөгөнов да ушундай эле айып менен №47 жатак абакта отурат. 

Жаңылыктар түрмөгү
0