БИШКЕК, 15-окт. — Sputnik. Башаламандык уюштурууну каалагандарды түрмөгө отургузганбыз мындан ары да отургуза беребиз! Бул тууралуу президент Алмазбек Атамбаев добуш берип чыккандан кийин журналисттерге билдирди.
Анын айтымында, кечээ эле ушундай кылмышктуулукка аракет кылгандар кармалган. Алардын арасында мурунку депутат да бар.
"Алар үчүн атайын кызматтын мурдагы кызматкери курал-жарак жеткирип берүүгө аракет жасаган. Азыр шайлоо учурунда күмөн саноолор болбошу үчүн айрымдарына унчукпай жатабыз. Бирок 1-декабрга чейин баарын түрмөгө отургузууга убактым жетет. Башаламандык уюштурууну каалагандарга абакта орун жетиштүү", — деди Атамбаев.
Ошондой эле ал жарандар шайлоого коркуп, жашырынбай жай эле келе берсе болоорун кошумчалады.
Кыргызстанда президент алты жылдык мөөнөт менен шайланат. Бир жолу дайындалган президент экинчи мөөнөткө шайлана албайт.
