11:09 29 Жалган Куран 2020
Түз эфир
  • USD80.2015
  • EUR88.3099
  • RUB1.0318
Саясат
Кыскача шилтеме алуу
Кыргызстандагы президенттик шайлоо - 2017 (257)
61010

Президенттикке талапкер шайлоодон кайсы учурда четтеп калышы мүмкүн экенин Sputnik Кыргызстан агенттигинин материалынан билсеңиз болот

БИШКЕК, 30-сен. — Sputnik. “КРдин президентин жана Жогорку Кеңеш депутаттарын шайлоо жөнүндөгү” мыйзамда шайлоо процессинин жол-жобосу, анын ичинде шайлоо өнөктүгү маалында президенттикке талапкерлигин койгон адамга карата кылмыш иши козголгон учурда эмне болору толук жазылган. 

Белгилей кетсек, учурда Кыргызстанда президент болом деген 13 киши талапкер катары каттоодон өткөн. Кылмыш иши козголгон маалдагы алардын укуктары 21-беренеде жазылган. Анын 10-бөлүмүндө төмөнкүчө жазылып турат:

Кылмыш жасаган жеринде кармалган учурларды кошпогондо, катталган талапкер шайлоо комиссиясы тарабынан шайлоонун натыйжалары расмий жарыяланган күнгө чейин, Борбордук шайлоо комиссиясынын макулдугусуз сот тартибинде салынуучу кылмыш-жаза жоопкерчилигине тартылышы, кармалышы, камакка алынышы же администрациялык жаза чараларына тартылышы мүмкүн эмес. Кылмыш-жаза ишин козгоо талапкердин шайлануу укугун ишке ашыруусуна тыюу салуу үчүн негиз болуп саналбайт.

Мындан тышкары, талапкер шайлоо өнөктүгүнөн четтетилип кала турган жагдайлар да келтирилген:

  • Талапкер өзү же анын өкүлдөрү үгүт эрежелерин бузганы тууралуу фактылар далилденсе;
  • Талапкердин өзү же анын өкүлдөрү, ишенимдүү адамдары, байкоочулары жана жакындарынын добуш сатып алууга же ушундай аракеттерге барганы аныкталса;
  • Талапкердин же анын өклдөрүнүн кызматтык абалынан пайдаланган фактысы далилденсе;
  • Өзүнүн талапкерлигин алуу боюнча арыз жазса;
  • Шайлоо кампаниясы үчүн шайлоо фондусунан тышкаркы каражатты пайдаланса;
  • Каттоо эрежеси бузулса.
Тема:
Кыргызстандагы президенттик шайлоо - 2017 (257)

Тема боюнча

30-сентябрдан тарта биометрикалык маалымат чогултуу убактылуу токтотулат
БШК: Ташиев президенттик шайлоого катышпай турган болду
Белгилер:
талапкер, кылмыш иши, шайлоо

ЭҢ МААНИЛҮҮ