10:46 11 Теке 2020
Түз эфир
  • USD77.8000
  • EUR87.8362
  • RUB1.0922
Сүрөт

Айылдашына таасирленип актер болгон. Алп талант Болот Бейшеналиевдин сүрөттөрү

Кыскача шилтеме алуу
789 0 0
  • Жаш Болот Бейшеналиев Опера жана балет театрынын алдындагы эки жылдык студияны бүтүргөн
  • Биринчи мугалимде башкы ролду аткарган Наталья Аринбасарова менен Болот Бейшеналиев
  • СССРдин эл артисти Бакен Кыдыкеева менен Кыргыз Республикасынын эл артисти Болот Бейшеналиев Көздүн кареги тасмасында, 1975-жыл
  • Казакстандын Алтын көпүрө сыйлыгынын ээси 100дөн ашык тасмада роль жараткан
  • Айтматовдун Биринчи мугалим повестинин негизинде тартылган тасмада актер Бейшеналиев мугалим Дүйшөндүн образында
  • Режиссер Гүлмира Сунгатуллинанын Азиат тасмасын тартуу учуру, 1991-жыл
  • Үсөнжан Ибрагимовдун Таштагы жылмаюу тасмасы, актер башкы каарман Эсенгелдинин ролунда
  • Анын кесипкөйлүгү башка союздук республикаларда да жогору бааланган
  • Режиссёр Мелис Убукеев менен Болот Бейшеналиев. Манастын ааламы тасмасын тартуу учуру, Ысык-Көл облусу, 1995-жыл.
  • Кесиптеши Леонид Ясиновский жана архитектор Геннадий Кутателадзе менен, 1980-жылдар
  • Кыргыз Республикасынын эл артисттери Болот Бейшеналиев, Гүлсара Ажыбекова, Орозбек Кутманалиев, Акылбек Мураталиев, Мурат Мамбетов, 2001-жыл
  • 2001-жылы 17-ноябрда 64 жашында актердун жүрөк оорусу кармап каза болгон
© Sputnik / Александр Федоров.
Жаш Болот Бейшеналиев Опера жана балет театрынын алдындагы эки жылдык студияны бүтүргөн

Бүгүн КРдин эл артисти, белгилүү актер Болот Бейшеналиевдин туулган күнү. Таланттуу инсандын көзү тирүү болгондо 83 жашка толмок. Sputnik Кыргызстан кино чебердин сүрөттө калган ирмемдерин сунуштайт.

Актер 1937-жылы 25-июнда Чүй боорундагы Кемин районунун Калмак-Ашуу айылында туулган. Элеттеги мектепти аяктагандан кийин Айыл чарба институтуна, кийин Кыргыз мамлекеттик университетине тапшырып, эки жыл окууга өтө албай койгон. Бир жолу достору менен "Айчүрөк" операсына кирип, Семетейдин ролун аткарган айылдашы Кыдырбек Чодроновду көрүп катуу таасирленип, Опера жана балет театрынын алдындагы студиядан билим алып, чыгармачылыкка бел байлайт. Таланттуу жаш жигитти ошол кездеги маданият министри Абдыкадыр Казакбаев байкап калып, ага Ташкенттеги театралдык институтка барып окууну сунуштаган.

Народный артист КР, композитор, ректор Кыргызской Национальной консерватории Муратбек Бегалиев с супругой  Зеноной Слензак
© Фото / из личного архива Муратбека Бегалиева
Бейшеналиев биринчи жолу "Тайгак кечүү" фильмине тартылып, кийин "Биринчи мугалимге" катышкан. Анда Дүйшөндүн образын ийине жеткире аткаргандан кийин ага атак-даңк келип, башка союздук республикалардан да чакыруу түшө баштаган. Кыргыз фильмдериндеги "Акмөөрдө" Болоттун, "Саманчынын жолунда" Касымдын, "Отко таазимде" Азизовдун, "Жамийлада" сүрөтчүнүн ролун чеберчилик менен жаратып, "Өзбекфильм", "Мосфильм", "Ленфильм" киностудияларында Бейшеналиевдин атагы таш жарып, жалпы 100дөн ашык тасмага тартылган. Кайталангыс кино жылдызы 2001-жылы 17-ноябрь күнү 64 жаш курагында бул дүйнө менен кош айтышкан.

Ата мекендик кинематографиянын өнүгүүсүнө опол тоодой салым кошкон инсан жөнүндө кызыктуу фактыларды Sputnik Кыргызстан агенттигинин материалынан окуңуздар.

Тема боюнча

Асылдар, залкарлар менен... Күлүйпа Кондучалованын сүрөттө калган ирмемдери
Элмирбектин жаштыгы, сүйүүсү, тагдыры. Алп акындын сүрөттө калган ирмемдери
Белгилер:
Сүрөт, Болот Бейшеналиев, актер, Кыргызстан

Дагы сүрөт түрмөктөрү

ЭҢ МААНИЛҮҮ