20:42 27 Бирдин айы 2020
Түз эфир
  • USD69.8500
  • EUR76.4683
  • RUB1.0646
Сүрөт

Кыргыз кыздарынын келбети бир кылымда кандай өзгөргөн. Сүрөт түрмөк

Кыскача шилтеме алуу
234041
  • Белгилүү кыргыз үй-бүлөсүнүн кыздарынын бул сүрөтү 20-кылымга туура бир жыл калган маалда тартылган. Сулуулардын кийимдери ачык кездемеден тигилип, ал эми баш кийимдери күмүш менен кооздолгон.
  • 1935-жыл экен. Жаш селки камерага карап жылмайып турат. Мойнундагы колго жасалган мончок шурусун караңыз, көздүн жоосун алат го!..
  • Бул кыргызстандык келин ат үстүндө укмуш ойной алат: көчмөн кыргыздын кыздары атка минүүдө мырзалардан кем калган эмес. Сүрөт 1936-жылы тартылган
  • Согуш жүрүп, кооз жасалгалар жана ат үстүндө ойноо унутта калган убак — эркектер фронтко узап, аялдар өз мойнуна бүт ишти алууга аргасыз болушкан. Чоң Чүй каналын куруу кезинде тартылган сүрөткө карасаңыз, жок дегенде бир эркекти көрө аласызбы?
  • 60-жылдардын аягы. Бийкеч кыз куумайга түшүптүр. Эгер жигит кууп жете алса, шарт боюнча селкинин жүзүнөн бир сүйө алат.
  • Сүрөтчү Жети-Өгүз капчыгайында комуз күүсүн угуп турган кыздарды тарткан. Беш көкүл сулуулар турмушка чыга электери, ал эми келиндер чачтарын бир же экиге бөлүп өрүшкөн.
  • Наздуу стилдеги, модалуу түймөк чач жана бурма этек кийген 70-жылдарды таанып турасызбы? Сүрөттө – Кыргыз мамлекеттик университетинин (азыркы Жусуп Баласагын атындагы КУУ) француз тили окутуучусу Зулайка Эралиева.
  • Эгиз эже-сиңдилер Салтанат жана Махабат Искаковалар медайымдык ишти өздөштүрүп жатышат. Аларга Фрунзе шаарындагы медициналык окуу жайдын дарсканасында дарс окулууда.
  • Ысык-Көл облусунун тоолорун кыдыруу маалында турист эки кыз гүл терип жатышат. Кыргызстандын модалуу бийкечтери 80-жылдардын башында ушундай эле
  • 80-жылдар Кыргызстанга кыска чачтарды модага айланткан. Сүрөттө СССРдин 60 жылдыгы атындагы Фрунзе өндүрүштүк сокмо бирикмесинин токуучу кыздары
  • 90-жылдардын аягы, 2000-жылдардын башындагы Бишкектеги моданын жүзү курусун... Бирок аны да басып өттүк
  • Бул керемет татына 2009-жылы сүрөткө түшүп калган. Эсиңиздердеби, ошол кезде башыбызга кыска жоолук байламай мода эле?
  • Шакекче токоч саткан Канышай Бейшекеева Сулуулуктун атласы аталган Михаэл Нороктун фотодолбоорунун каарманына айланган. Айкалышкан сулуулуктун дал өзү эмей эмне?!
предоставлено Центральным Госархивом КР
Белгилүү кыргыз үй-бүлөсүнүн кыздарынын бул сүрөтү 20-кылымга туура бир жыл калган маалда тартылган. Сулуулардын кийимдери ачык кездемеден тигилип, ал эми баш кийимдери күмүш менен кооздолгон.

Sputnik кыргызстандык сулуулардын 19-кылымдан бүгүнкү күнгө чейинки сүрөттөрүн таап чыкты. Жүз жыл мурун да биздин чүрөктөр дал азыркыдай татына экен!

Бир кылым мурун биздин чоң энелерибиз түс берчү бетмайсыз, кирпик боексуз эле жүрүшкөн, бирок мындай абал алардын сулуулугун кемите алган эмес. Тянь-Шань тоолорун жердеген кыздарынын сырткы келбети соңку 116 жылда кандай өзгөргөнүн байкап көрдүк.

Айтмакчы, бир канча мезгил мурун да кеңири тараган улуттук оймо-чиймелер ушу тапта да модага кайтып, азыркы сулуулар да укмуштай кооз саймалуу чыптамаларды кийип жүрүшпөйбү.

Тема боюнча

Кыргыз кыз-келиндери Москвада элечек кийип флешмоб өткөрүштү. Видео
Белгилер:
мода, келбет, Кыргызстан

Дагы сүрөт түрмөктөрү

ЭҢ МААНИЛҮҮ