10:26 09 Бештин айы 2019
Түз эфир
  • USD69.8490
  • EUR77.5883
  • RUB1.0962
Санкт-Петербург шаары. Архив

Кыргыз жарандарына Санкт-Петербургдан жумуш таап берген борбор ачылат

© Sputnik / Александр Гальперин
Миграция
Кыскача шилтеме алуу
303 0 0

Жумушка орноштуруу борборлорунун бири Кыргызстанга, үчөө Тажикстанга ачылат.

БИШКЕК, 25-фев. — Sputnik. Кыргызстандын жана Тажикстандын миңден ашык жараны Санкт-Петербургда расмий түрдө ишке орношууну каалайт. Бул тууралуу аталган шаардын эмгек ресурстары борборунун сайтында маалымдалат.

Жыл аягына чейин кезекте турган бардык жарандар иш менен камсыз болот. Россияга мигранттарды кабыл алууну уюштуруу үчүн Кыргызстан менен Тажикстандын аймагына 4 борбор ачылат.

Учурда тендер жарыяланып, конкурстан жеңип чыккан компания долбоордун оператору болот. Компания Тажикстанга үч, Кыргызстанга бир борбор ачышы керек. Кеңселердин аянты 20 чарчы метрден кем эмес жана шаардын борбордук бөлүгүндө орун алышы кажет.

"Мындай борборлорду ачуунун негизги максаты - Петербургга агылган эмгек мигранттарынын мыйзамсыз келишине чектөө киргизүү", — деп айтылат маалыматта.

Расмий маалыматтарга ылайык, былтыр Санкт-Петербургга Кыргызстандын 30,5 миң жараны барган. Ошол эле учурда борборлордун көмөгү менен 500 киши ишке орношкон.

Тема боюнча

Абактан чыккан таксист Чыңгыз Анарбек уулун жакындары тосуп алган видео
Былтыр мигранттар Кыргызстанга акча которуу боюнча рекорд коюшту
Белгилер:
миграция, Санкт-Петербург, Кыргызстан

ЭҢ МААНИЛҮҮ