Кыргызстан соода-сатык кылган өнөктөш өлкөлөрдүн катары 2013-жылдан 2017-жылга чейин кандай өзгөргөнүн Улуттук статистика комитети билдирди.
Төрт жыл ичинде бир катар өзгөрүүлөр болгон. Буга чейин биринчи орунда Россия болсо, учурда алдыга Кытай чыкты.
Алдыңкы үчтүктө мурдагыдай эле Казакстан турат. Төртүнчү орунда Швейцария болсо, Өзбекстан Түркиядан алдыга озуп чыккан. АКШ эки тепкич көтөрүлүп, 7-орунга татыды. Япония менен Украина рейтингден такыр эле чыгып калса, өз позициясын Түштүк Корея менен Бириккен Араб эмирлиги чыңдап алган.
