18:36 19 Бештин айы 2018
Түз эфир
  • USD69.8381
  • EUR79.6224
  • RUB1.0406
Инфографика

Кыргыздын музыкалык аспаптары. Кылымдарды карыткан кереметтүү добуштар инфографикада

Кыскача шилтеме алуу
381386410

Кыргыздын улуттук музыкалык аспаптары байыркы замандан тарта элдин жашоосун коштоп, оош-кыйыш учурларда да колдонулуп, бүгүнкү күнгө чейин жетти. Аталган багытта Sputnik Кыргызстан интерактивдүү инфографика жасады.

Ата-бабаларыбыз комуз, кыл кыяк, темир комуз, чоор сыяктуу аспаптар менен көкүрөктө жаткан сезимдерин, толгонууларын билдирген мааниси терең күүлөрдү жараткан. Обон созуп, жүрөктөн чыккан ырларды дал ушул аспаптардын коштоосунда аткарышкан.

Биз жогорудагы инфографикада берген музыкалык аспаптар жай турмушта эле эмес, жоокерчилик заманда да колдонулган. Алар согуштук аракеттерди баштарда белги берген, аскер башчыларынын келишин коштогон учурларда ойнолгон. Маселен, кыргыз элинин улуу эпосу "Манастагы" согуштук эпизоддордо керней, сурнай, добулбас туурасында маалыматтар арбын кездешет. 

Sputnik Кыргызстан жогорку инфографикада кыргыздын улуттук музыкалык аспаптарынын ичинен негизги делген 11ин тандап алды. Алар комуз, кыл кыяк, керней, сурнай, сыбызгы, чоор, чопо чоор, добулбас, темир ооз комуз, жыгач ооз комуз, жетиген. Бул жердеги дагы бир өзгөчөлүк — үн ойнотуучу баскычтын жардамы менен ар бир аспаптан кандай үн чыгаарын угуу мүмкүнчүлүгү болду. 

Жогорудагы инфографика кыргыз элинин маданиятына, анын ичинен улуттук музыкалык аспаптарга кызыккандарга, жалпы коомчулукка, студенттерге, мектеп окуучуларына пайдалуу болот деген пикирдебиз.

Тема боюнча

Боз үй — кыргыздардын уникалдуу турак-жайы
Жарма жана бозо — кыргыздын улуттук суусундуктары. Касиеттери жана жасоо ыкмалары
Жайында ысыктан, кышында сууктан сактаган ак калпак инфографикада
Белгилер:
жетиген, темир ооз комуз, добулбас, чопо чоор, чоор, сыбызгы, сурнай, керней, улуттук музыкалык аспаптар, комуз, кыл кыяк, Кыргызстан
Колдонуу эрежелериПикирлер

Дагы инфографика

ЭҢ МААНИЛҮҮ