22:39 18 Тогуздун айы 2021
Түз эфир
  • USD84.7961
  • EUR98.2024
  • RUB1.1914
Окуялар
Кыскача шилтеме алуу
3077 0 0

Нөшөрдүн кесепетинен Ысык-Көлдүн түштүк жагындагы трассанын 35-чакырымында жолдун айрым жерлери керектен чыккан.  Ал эми Көлдүн түндүк жагынан кеткен жол ачык.

БИШКЕК, 30-июл. — Sputnik. Ысык-Көлдүн Балыкчы жана Тоң райондорунда сел жүрүп, жолдор бузулганын ӨКМ билдирди.

Бүгүн, 30-июль күнү, таңкы саат 04:30 чамасында Балыкчы шаары менен Тоң районунун Кескен-Бел ашуусунда, Кара-Талаа жана Оттук айылдарында нөшөрдөн кийин сел жүргөн.

"Суу турак үйлөрдү каптап, ички чарбалык жолдор менен арыктар кум-шагылдарга толгон. Ысык-Көлдүн түштүк жагындагы трассанын 35-чакырымында жолдун айрым жерлери селден зыян тарткан. Ал эми Көлдүн түндүк жагынан кеткен жол ачык", — деп айтылат маалыматта.

Абалды жеринен көзөмөлдөө үчүн ӨКМ министри Бообек Ажикеев менен министрликтин Ысык-Көл облусундагы башкармалыгынын башчысы Замирбек Жумагазиев чыгып кеткен.

Учурда Балыкчыдан барган 15 куткаруучу эки атайын техника менен тазалоо иштерин жүргүзүп жатат.

Жабыркагандар катталган эмес.

Тема боюнча

Таласта сел көпүрөнү алып кетип, элди жүктөгүч менен алып чыгышты. Видео
Белгилер:
Балыкчы, Тоң, ӨКМ, сел, суу каптоо, жол

ЭҢ МААНИЛҮҮ