13:03 16 Кулжа 2021
Түз эфир
  • USD84.5529
  • EUR102.5669
  • RUB1.1771
Окуялар
Кыскача шилтеме алуу
Баткендеги кыргыз-тажик жаңжалы (298)
208 0 0

Дайынсыз болуп жаткан балдар 19 жана 21 жашта. Алар жаткан жердеги бут кийимдерде кандын тагы калган.

ОШ, 24-апр. – Sputnik. Баткенде кыргыз-тажик чек арасына жакын жерден жоголуп кеткен кыргызстандык эки уланды  издөө иштери башталды. Бул тууралуу өкмөттүн облустагы өкүлүнүн маалымат катчысы Чолпон Бердигулова билдирди.

Бүгүн, 24-апрелде, социалдык тармакка видео тарады. Анда Лейлек районуна караштуу Эски-Оочу айылынын жашоочусу кыргыз-тажик чек арасына жакын аймакта курулуп жаткан тигүү цехте иштеген уулу менен анын досу жоголуп кеткенин айтып, ыйлап жатканы тартылган. Аял уландардын биринин уюлдук телефону жаткан жеринде калганын, бут кийимдеринде кандын тагы бар экенин айткан.

Бердигулованын айтымында, өкмөттүн облустагы өкүлү Өмүрбек Суваналиев облустук күч түзүмдөрүнө чек арада катталган окуя боюнча дайынсыз болуп жаткандарды издөө тапшырмасын берди. Учурда Лейлек району менен чектешкен Тажикстандын Гафуров районунун күч түзүмдөрүнө кат жолдонду.

"Дайынсыз болуп жаткан балдар Эски-Оочу айылынын 19 жана 21 жаштагы жашоочулары экендиги аныкталды. Алардын биринин кол телефону алар түнөгөн чатырда калган", – деди Бердигулова.

Ал кошумчалагандай, экинчи уландын мобилдик телефону өзү менен кошо болушу мүмкүн. Ошондуктан күч түзүмдөрү аларды аппараттын номери аркылуу дагы издеп жатышат.

Тема:
Баткендеги кыргыз-тажик жаңжалы (298)

Тема боюнча

Мүйүзүн кесип салышкан. Чек арадан эликтерди алып өтмөкчү болгондор кармалды
Күйөөсүнүн 5000 долларын коротуп, өзүнө кол салуу уюштурган аял кармалды
Белгилер:
адам, жоголуу, Тажикстан, чек ара, Баткен

ЭҢ МААНИЛҮҮ