БИШКЕК, 5-авг. — Sputnik. Бир нече саат мурда, 4-августта, Ливандын борборунда катуу жарылуу болду. ЖМКлар аны атомдук жарылуу менен салыштырууда. Окуянын чоо-жайы тууралуу РИА Новости маалымдады.
Эмне жарылган?
Алдын ала маалыматтар боюнча, шаардык портто жайгашкан пиротехникалар сакталган кампа жарылган. Бирок кийинчерээк Ливандын жалпы коопсуздук кызматынын башчысы Аббас Ибрагим пиротехника жарылды деген маалыматты четке какты.
"Пиротехника эмес, көпкө чейин сакталып турган жардыруучу башка заттар жарылды", —деди Аббас Ибрагим.
Жарылуу толкуну шаардын айланасындагы бардык райондорго тараган. "Аль-Арабия" телеканалы коопсуздук кызматындагы булактарга таянып, эки жолу жарылуу болгонун кабарлады.
Watch: Video shows the moment a massive explosion rocks #Lebanon near the Port of #Beirut.https://t.co/IB8kyus4cq pic.twitter.com/xvZc4vuZR5
— Al Arabiya English (@AlArabiya_Eng) August 4, 2020
Канча адам каза болду?
Кырсыктан жабыркагандар бар. Мындан сырткары, "Аль-Арабия" телеканалы журналисттерге таянып, Бейруттагы жарылуу болгон жерден аз дегенде алты адамдын сөөгү табылганын маалымдаган.
"Рейтер" агенттиги Ливандын саламаттык сактоо жана коопсуздук күчтөрдөгү булактарына таянып, жарылуудан 10дой адам көз жумганын кабарлады.
Watch: Video shot from inside a car shows a huge mushroom cloud ripping from one of two explosions that erupted from #Lebanon’s Port #Beirut, shocking motorists in the Lebanese capital.https://t.co/IB8kyus4cq pic.twitter.com/EjDOpl2LED
— Al Arabiya English (@AlArabiya_Eng) August 4, 2020
Жарылуу 100 чакырым алыстыктан да угулду
Жарылуунун үнү Кипрдин борбору Никосиге чейин жеткен. Бул тууралуу Кипр телеканалынын журналисттери кабарлаган. Никосия менен Бейруттун ортосунун аралыгы 250 чакырым.
Бейруттун губернатору Марван Аббуд шаардагы катуу жарылууну 1945-жылы Япониянын Хиросима-Нагасаки шаарларына жасалган өзөктүк сокку менен салыштырды.
Breaking: Video shows the moment of a massive explosion in Beirut, Lebanon. pic.twitter.com/pwE0c4QQV4
— PM Breaking News (@PMBreakingNews) August 4, 2020
Эмнелер талкаганган
Бир нече үй талкаланган. РИА Новостиге Кызыл крест коомунун кызматкери билдиргендей, адамдар уранды алдында калышы мүмкүн.
More videos of the explosion (thread)#إنفجار_بيروت pic.twitter.com/Z8nz6cReaU
— Mohammad Hijazi (@mhijazi) August 4, 2020
Кийинчерээк шаардын губернатору кырсыктан калаанын жарымы жабыр тартканын кабарлады. Ливандын өкмөт башчысы шаршембини аза күтүү күнү деп жарыялады.
