БИШКЕК, 23-июн. — Sputnik. Бишкектеги Токтогул жана Раззаков көчөлөрүнүн кесилишинде үч унаа кагышты. Жол кырсыгынын видеосу "Короче" деп аталган Telegram-каналга жарыяланды.
Милициянын кайгуул кызматы башкармалыгы окуя бүгүн, 23-июнда, саат 18:10до болгонун билдирди. Ага ылайык, BMW X3, Nissan жана Kia K5 үлгүсүндөгү унаалар сүзүшкөн.
Жол кырсыгынын кесепетинен BMW автосундагы кош бойлуу келин жабыркап, ооруканага жеткирилген.
Үч унаа тең айып короого киргизилип, окуя териштирилип жатканы айтылды.
