05:10 15 Теке 2020
Түз эфир
  • USD77.5098
  • EUR87.9814
  • RUB1.0897
Окуялар
Кыскача шилтеме алуу
507 0 0

Окуя 2-июнь түнү Баткен облусунун Эки-Таш аймагында болгон. Анда Тажикстан тараптан белгисиз адамдар аңчылык курал менен Кыргызстандын жаранына бир нече жолу ок чыгарган.

БИШКЕК, 2-июн. — Sputnik. Кыргыз-тажик чек арасында ок атылып, бир адам жабыркады. Бул тууралуу Мамлекеттик чек ара кызматынан билдиришти.

Маалыматка ылайык, окуя 2-июнь түнү Баткен облусунун Эки-Таш аймагында болгон.

"Түнкү саат 1:20лар чамасында Тажикстан тараптан белгисиз адамдар аңчылык курал менен Кыргызстандын жаранына бир нече жолу ок чыгарган. 38 жаштагы айдоочу Ош — Исфана автожолу менен кетип бараткан. Жыйынтыгында ал жеңил жаракат алып, Самаркандек айылындагы ооруканага жаткырылган", — деп айтылат билдирүүдө.

Ошол эле түнү эки тараптын укук коргоо органдарынын өкүлдөрү жолукканы кошумчаланды. Учурда окуя болгон жерде милиция кызматкерлери иштеп, автоунааларды, аймакты текшерип жатат.

Саат 10:00гө карата кыргыз-тажик чек арасындагы кырдаал туруктуу деп бааланды.

Тема боюнча

Күнөөлүүлөр жоопко тартылсын. Боронов менен Өзбекстан премьери Арипов жолукту
Белгилер:
ок атуу, чек ара, Тажикстан, Кыргызстан

ЭҢ МААНИЛҮҮ