БИШКЕК, 13-янв. — Sputnik. Жогорку Кеңештин депутаты Данияр Төлөновдун бир тууганы Бактияр Төлөнов инфаркт болду. Бул тууралуу Экономикалык кылмыштуулукка каршы күрөшүү мамлекеттик кызматындагы (Финансы полициясы) маалымат булак билдирди.
9-январда аталган кызматтан анын 800 доллар пара алып жаткан жеринен колго түшкөндүгүн айтышкан.
"Кечинде Финансы полициясына Бактияр Төлөнов үчүн тез жардам автоунаасы келгендигин айтышты", — деп билдирди ал.
Миграция боюнча мамлекеттик кызматтагы борбордун жетекчиси Бактияр Төлөнов 2020-жылдын 9-мартына чейин Бишкек шаарындагы №1 тергөө абагында кармалып турмакчы. Бул чечимди Биринчи май райондук соту чыгарган.
