БИШКЕК, 18-дек. — Sputnik. Боом капчыгайында жүк ташуучу сегиз вагон рельстен чыгып кетти. Бул туурасында "Кыргыз темир жолу" мамлекеттик ишканасынан билдиришти.
Окуяга байланыштуу Балыкчы-Жел-Арык аймагындагы поезд кыймылы убактылуу токтотулду.
Учурда окуянын себептери такталып жатат. Ошондой эле поезд кыймылын калыбына келтирүү иштери жүрүүдө.
Кырсыктан каза тапкандар менен жабыркагандар жок экендиги айтылды.
