01:01 23 Бирдин айы 2020
Түз эфир
  • USD69.8500
  • EUR75.5323
  • RUB1.0863
Окуялар
Кыскача шилтеме алуу
475 0 0

Тергөө кызматы тарабынан маркум келиндин денеси көмүлгөн жерден казылып алынып, эксгумация жүргүзүлгөн. Анда денесинин бир топ жеринен тактар жана уюган кандар табылган.

БИШКЕК, 5-дек. — Sputnik. Ош облусунда аялынын өлүмүнө шектелип издөөдө жүргөн 29 жаштагы киши кармалды. Бул тууралуу аталган облустун милициянын маалымат кызматынан билдирди.

Эске салсак, 21-май күнү Ош облусунун Кара-Суу районундагы Ынтымак айылынын 52 жаштагы тургуну Кара-Суу райондук милициясына оозеки түрдө кайрылган. Ал 9-апрель күнү Ынтымак айылында жашап жаткан 24 жаштагы кызы асынып алганын, бирок кызынын андай кадамга барышынан күмөн санап жатканын билдирген. Арыздануучу бул кабарды күйөө баласы айткандыгын билдирген.

Аталган фактыны 21-майда Кара-Суу райондук милициясы Кылмыш жана жоруктардын бирдиктүү реестрине каттап, сотко чейинки иштерди баштаган. Окуяга күбө болгон тургундардан көрсөтмө алынып жаткан кезде арыздануучу Кара-Суу РИИБдин тергөө кызматына ишенбөөчүлүк көрсөткөн. Ошондуктан сотко чейинки өндүрүш иштери 28-июнь күнү Ош ОИИБдин тергөө кызматына өткөрүлгөн.

3-июль күнү Ош ОИИБдин тергөө кызматы тарабынан маркум келиндин денеси көмүлгөн жерден казылып алынып, эксгумация жүргүзүлгөн. 30-июль күнү соттук-медициналык экспертизанын корутундусу чыккан. Анда келиндин чекесинде, оң жана сол бетинде, моюнунун сол тарабында, оң жак желкесинде, көкүрөгүнүн ылдыйкы жана жогору жагында, оң бутунун жоон санында, сол жамбашында, оң жана сол колунун билегинде көк ала тактар жана уюган кан бар экени аныкталган. Алардын маркум тирүү кезинде бир нече жолу урулган катуу буюмдун таасиринен пайда болгону айтылган. Ал колдун муштуму, бут кийимчен буттун соккусу жана башкалар болушу мүмкүндүгү билдирилген.

21-майда Кара-Суу РИИБи тарабынан Кылмыштардын жана жоруктардын бирдиктүү реестрине асынып алуу фактысы боюнча катталган сотко чейинки өндүрүш иши соттук-медициналык экспертизанын корутундусуна дал келген эмес. 1-август күнү сотко чейинки өндүрүш иши Жазык кодексинин 130-беренесине ("Адам өлтүрүү") өзгөртүлгөн. Кылмышка шектүү — Кара-Суу районунун Сары-Колот айыл өкмөтүнүн Ынтымак айылынын 29 жаштагы А.С. аттуу тургунун изин жашырып кеткендигине байланыштуу милиция издөөгө алган.

Ушул жылдын ноябрь жана декабрь айларында Ош ОИИБдин Криминалдык милиция кызматынын өздүк курамы тарабынан ар кандай кылмыштарга шектелип издөөдө жүргөн 10 адам кармалган. Алардын ичинен өз аялынын өлүмүнө шектелип, Жазык кодексинин 130-беренесинин ("Адам өлтүрүү") негизинде шектүү катары издөөгө алынган жаран 3-декабрда кармалып, камакка алынды. Учурда Кара-Суу РИИБдин убактылуу кармоочу жайына киргизилген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Төрт баланын энеси эле. Сузакта аялын бычактап өлтүрдү делген киши кармалды
Жалал-Абад: 18 жаштагы жигиттин өлүмүнө шектелип кыз жана улан кармалды. Сүрөт
Белгилер:
шектүү, өлүм, аял, Кара-Суу району, Кыргызстан

ЭҢ МААНИЛҮҮ