13:15 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Бишкек асфальтсервис ишканасынын кызматкерлери. Архив

Унаа коюп кеткен "Бишкек асфальтсервистин" кызматкери комада жатат

© Фото / пресс-служба мэрии Бишкека
Окуялар
Кыскача шилтеме алуу
250 0 0

Ооруканага түшкөн кызматкер кырсыкка иштеп жаткан маалда кабылган.

БИШКЕК, 6-июл. — Sputnik. Мэриянын алдындагы "Бишкек асфальтсервис" ишканасынын эки кызматкери иш учурунда кырсыктаганын муниципалитеттен кабарлашты.

Маалыматка ылайык, биринчи окуя 5-июлга караган түнү таңкы саат 5терге чукул болгон. Абдырахманов менен Скрябин көчөлөрүнүн кесилишиндеги жолдун аң-чөнөгүн оңдоп жаткан кызматкерлерин Honda Fit унаасын айдап бара жаткан киши келекелеген. Мас айдоочу жумушчуларды тапанча менен коркутуп, бирин курал менен башка чаап, из суутуп кеткен. Ушу тапта 29 жаштагы жабырлануучу Республикалык оорукананын Нейротравматология бөлүмүндө дарыланып жатат.

Ал эми экинчи окуя 6-июлга караган түнү катталган. Иштеп жаткан 45 жаштагы кызматкерди унаа коюп кеткен. 24 жаштагы айдоочу түшүнүк катында соо экенин, рулда баратып телефонго алаксып, кырсыкка кириптер болгонун жазып берген. Ал эми жабырлануучу учурда Бишкектин Травматология жана ортопедия илим изилдөө борборунун реанимациясында комада жатат. Абалы оор деп бааланууда.

Мэрия жабыркаган эки кызматкер тең кырсык маалында коопсуздук эрежелерин сактап жүргөнүн белгиледи.

Тема боюнча

60ка чыкмак... "Тазалыктагы" унаа коюп кеткен аял иш издеп Миң-Куштан келген
Белгилер:
оорукана, айдоочу, тапанча, кырсык, мэрия

ЭҢ МААНИЛҮҮ