00:47 19 Аяк оона 2019
Түз эфир
  • USD69.8460
  • EUR77.1205
  • RUB1.0841
Картондон жасалган инспектор. Архив

Кечирип кой эми, тааныш бололу! Жол эрежесин бузган автоинспектордун видеосу

© Sputnik / Эмиль Садыров
Окуялар
Кыскача шилтеме алуу
2214 0 0

Кадрдан инспектор өзүн Нурлан деп тааныштырганын көрүүгө болот.

БИШКЕК, 1-май — Sputnik. Социалдык тармактарда жол эрежесин бузган инспектордун видеосу тарады.

Кадрдан инспектордун артынан жетип барган айдоочу анын жол эреже бузганын айтып, ЖКККББ өкүлдөрүн чакыруу сунушун берип жатканын көрүүгө болот.

"Саламатсызбы, инспектор! Сиз кызыл түскө өтүп кеттиңиз. Ылдамдыкты дагы ашыра айдадыңыз. Өзүңүзгө өзүңүз протокол түзө албайсыз да ээ? Жол кыймылы коопсуздугун көзөмөлдөгөн инспекторлорду чакырбайлыбы?" — деп айдоочу милиционерди жарга такады.

Ал эми инспектор эреже бузганын моюндап, айдоочудан кечирим сурады.

"Ооба, эреже бузганымды мойнума алам. Сакалдуу башым менен кечирим сурап жатам, видеону өчүрүп эле кой. Мындан ары тааныш болуп жүрөлү", — деди инспектор.

Кадрдан инспектор өзүн Нурлан деп тааныштырганын көрүүгө болот.

Окуя кайда болгону айтылган эмес. Ал эми видеодон автоинспектордун кызматтык унаасынын капталында КР ИИМ, Ысык-Көл облусу деген жазууну жана телефон номерлерди көрүүгө болот. Видео туурасында Жол кыймылынын коопсуздугун камсыздоо боюнча башкы башкармалык менен байланышууга мүмкүн болгон жок.

Тема боюнча

Коопсуз шаар: айдоочулар кайсы эрежени көп бузууда? Статистика
Белгилер:
жол эрежеси, Кыргызстан

ЭҢ МААНИЛҮҮ