Транспорт министринин орун басары 50 миң доллар пара алган жеринен кармалды

Жазылуу
Колго түшүрүлгөн жетекчи чет элдик компаниянын кызыкчылыгын коргоо үчүн 520 миң доллар пара алууга макулдашкан.

БИШКЕК, 6-дек. — Sputnik. Транспорт жана жолдор министрлигинин орун басары А.Ж. 50 миң доллар пара алып жаткан жеринен кармалды. Бул туурасында УКМКнын маалымат кызматы билдирди.

Ал 5-декабрда козголгон кылмыш ишинин негизинде кармалган.

Маалыматка ылайык, ал каражатты алгандан кийин "Кошулган жолдор, 1 жана 3 ЦАРЭС коридору, Эпкин-Дыйкан аймагы (Башкууганды 89,5-159,2 чакырымдары)" долбоору боюнча жол куруу жана реабилитациялык иштерди жүргүзүү тендерин оң жагына чечип берүүгө жардам бермектиги аныкталган. Министрдин орун басары ошол тендердик компаниянын төрагасы болуп, акча берген чет элдик компанияны калкалап турганы айтылат.

"Министрдин орун басары Ж.А. чет элдик компаниянын кызыкчылыгын коргоо үчүн 520 миң доллар пара алууга макулдашкан. Анын бир бөлүгүн, тагыраак айтканда, 120 миң долларын мурдараак компаниянын өкүлдөрүнөн ортомчу аркылуу алган. Ал ортомчулар орун басардын тууганы болгон. Калган акчалар кийинки жумада колуна тиймек", — деп айтылат билдирүүдө. 

Учурда УКМКнын Тергөө абагынын убактылуу кармоочу жайына киргизилген. Тергөө жүрүп жатат.

Ведомствонун сайтындагы маалымат боюнча министрдин орун басары катары Азимкан Жусубалиев көрсөтүлгөн.  

Жаңылыктар түрмөгү
0