Эмне деш керек?! Бишкектеги өтмөктүн лифтисинин айнегин талкалап кетишти

© Sputnik / Табылды КадырбековКурманжан Датка көчөсүндөгү жер үстүнөн өтүүчү өтмөк. Архив
Курманжан Датка көчөсүндөгү жер үстүнөн өтүүчү өтмөк. Архив - Sputnik Кыргызстан
Жазылуу
Лифт кары-картаңдар менен майыптардын өтмөктөн өз алдынча өтүшү үчүн керек.

БИШКЕК, 19-авг. — Sputnik. Белгисиз адамдар жер үстүнөн өтүүчү өтмөктөгү лифтинин айнектери талкаланып калганын мэриянын аппарат жетекчиси Балбак Түлөбаев Facebook баракчасына жазып чыкты.

Сүрөттө сынган айнек менен таштардын жатканын көрүүгө болот.

"Аламүдүн жактагы көпүрөнүн лифти. Биздин, шаардыктардын ар бирибиздин мүлкүбүз. Үйүңүздү, үйүбүздү талкалапж атышат. Ар бирибиз көңүл буралы…", — деп жазган Түлөбаев.

Сүрөттүн алдында бир топ киши пикир калтырып, баары тең нааразычылыгын билдирген. Эл аталган жерге камера коюну сунуштаган.

Аламүдүн базарынын жанындагы өтмөк — Бишкектеги жер үстүнөн өтүүчү жападан жалгыз көпүрө. Ал былтыркы жылдын ноябрь айында ачылган. Көпүрөгө кары-картаңдар менен майыптардын өз алдынча өтүшү үчүн лифт орнотулган.

Жаңылыктар түрмөгү
0