Учурда өрттүн келип чыгуу себептери такталып жатат.
БИШКЕК, 24-июл. — Sputnik. Борбор калаанын Каралаев көчөсүндө жайгашкан "Зимняя бухта" кафесинен чыккан өрт толугу менен өчүрүлдү. Бул тууралуу ӨКМден маалымдашты.
Билдирмеге караганда, кырсык тууралуу маалымат саат 7.51де түшүп, үч унаа жерине жөнөп кеткен. Саат 9.18де өрт толугу менен өчүрүлдү.
Кафе-бардын жанында иштеп жаткан "Тазалыктын" кызматкери Алишер Байзаковдун айтымында, алгач кафенин күн чыгыш тарабы түтөп баштаган.
Кафе-бардын жанында иштеп жаткан "Тазалыктын" кызматкери Алишер Байзаковдун айтымында, алгач кафенин күн чыгыш тарабы түтөп баштаган.
"Түтүндү көрүп артындагы курулушчулар бир нерсе күйгүзүп жатабы деп ойлодум. Карасам эле кафе-бар күйүп жатыптыр. Ичинде бир күзөтчүсү бар экен. Ал чуркап чыгып, "өрт өчүрүүчүлөргө чалгыла" деп кыйкырды. Эки жолу тарсылдаган катуу үн чыкты. Газ балондор жарылды окшойт. Өрт өчүрүүчү унаалар келгенге чейин бир топ жери күйүп кетти", — деди Байзаков.
Учурда өрттүн келип чыгуу себептери такталып жатат.
