БИШКЕК, 3-июн. — Sputnik. Кыргызстандын аймагында жер титирөө катталып, анын ичинен Талас облусунун аймагында төрт, ал эми түштүк аймакта, тагыраагы Кызыл-Кыя шаарында 2-3 баллдык болуп сезилди. Бул туурасында ӨКМдин маалымат кызматы кабарлады.
Кечээ Талас облусунун Баласары, Покровка аймагында 4 балл, Аралда 3,5 балл, Бакай-Атада 3 баллга чукул, ал эми Талас шаарында 2-3 баллга жеткен.
Ал эми Баткенге караган Кызыл-Кыя шаарынын аймагында 2-3, Алга, Кыргыз-Кыштак айылдарында 3 баллдык жер титирөө байкалган.
ӨКМ алдын ала алынган маалыматтарда кыйроолор жана курмандыктар жок экендигин кабарлады.
