БИШКЕК, 19-июн. — Sputnik. Улуттук банк өлкөдөгү коммерциялык банктарга кредиттик ресурстарды сунуштоо менен аукцион өткөрүүнү пландап жатканын билдирди.
Маалыматта COVID-19 вирусунун жайылышынан улам экономикага кедергисин тийгизген жагдайларды жөнгө салуу, ошондой эле экономиканын реалдуу секторун колдоо максатында насыя берилип жатканы айтылат.
Мындан улам Улуттук банк 25-июнда өкмөттүн "Ишкердик субъектилерди каржылоо" программасы боюнча коммерциялык банктар үчүн бир миллиард сомдук аукцион өткөрөт.
Кредиттик аукционду өткөрүү параметрлери жана шарттары Улуттук банктын Акча-кредиттик жөнгө салуу комитетинин 22-июнундагы отурумунда аныкталат.
