05:29 13 Бештин айы 2019
Түз эфир
  • USD69.8500
  • EUR77.7815
  • RUB1.1048
Автоунаалар. Архив

Өкмөт: автоунаа алып кирүүдөгү бажы төлөмү боюнча сунушубузду ЕЭК колдогон жок

© Sputnik / Виталий Белоусов
Экономика
Кыскача шилтеме алуу
406402

Буга чейин Мамлекеттик бажы кызматы 2020-жылдын 1-январынан тарта Кыргызстанга үчүнчү өлкөлөрдөн ташып келинген автоунаалардын бажы төлөмү кескин өсөрүн билдирген.

БИШКЕК, 20-ноя. — Sputnik. Евразия экономикалык комиссиясы (ЕЭК) Кыргызстандын транспорт каражаттарына болгон бажы алымдарына жеңилдик мөөнөтүн узартуу өтүнүчүн четке какты. Маалыматты расмий түрдө өкмөттөн тастыкташты.

Кечээ, 19-ноябрь күнү, Москва шаарында өткөн кезектеги жыйында ЕЭК кеңеши кыргыз өкмөтүнүн сунушун кабыл албаганын буга чейин өздүк булактардан билдиришкен.

"Кыргызстанга жеке пайдаланууга ташылып келген унаа каражаттарына бажы алымдарын жеңилдетүү мөөнөтүн узартуу демилгесин ЕЭК кеңешинин мүчөлөрү колдогон жок", — дешти өкмөттүн маалымат кызматынан.

Москва шаарында өткөн Евразия экономикалык комиссиясынын кеңешинин кезектеги жыйынына Кыргызстандан вице-премьер-министр Жеңиш Разаков катышты.

Буга чейин Мамлекеттик бажы кызматы 2020-жылдын 1-январынан тарта Кыргызстанга үчүнчү өлкөлөрдөн ташып келинген автоунаалардын бажы төлөмү кескин өсөрүн билдирген. Буга төрт жыл мурда кабыл алынган токтомдогу транспорт каражаттарына болгон бажы алымдарын жеңилдетүү мөөнөтү аяктаганы себеп экени айтылган.

Көп өтпөй өкмөт жеңилдетилген мөөнөттү узартуу өтүнүчү менен ЕЭКке кайрылган болчу.

Чечимге ылайык, 2020-жылдын 1-январынан тарта Кыргызстанга автону бажылык жол-жоболоштуруунун жаңы эрежелери менен киргизе баштайт. Мисалга алсак, КРдеги эң кеңири жайылган 2009-жылы чыгарылган Toyota Camry унаасын бажылык жол-жоболоштуруу 11 эсеге, 1 250 доллардан 13 600 долларга чейин жогорулайт.

Тема боюнча

Автоунаа алып кирүүдөгү бажы төлөмү: ЕЭК кыргыз өкмөтүнүн сунушун четке какты
Өкмөт мунай заттарды бензовоз менен ташып келүүгө убактылуу тыюу салды
Белгилер:
чечим, салык, автоунаа, өкмөт, ЕЭК, Кыргызстан

ЭҢ МААНИЛҮҮ