17:35 19 Баш оона 2019
Түз эфир
  • USD69.7839
  • EUR77.4776
  • RUB1.0477
Россия-кыргыз өнүктүрүү фондусунун логотиби. Архив

Россия-кыргыз өнүктүрүү фонду насыянын пайыздык ченин төмөндөттү

© Sputnik / Табылды Кадырбеков
Экономика
Кыскача шилтеме алуу
97 0 0

Ставкалардын төмөндөшү жаңы түзүлгөн насыялык долбоорлор үчүн гана иштейт.

БИШКЕК, 16-авг. — Sputnik. Россия-кыргыз өнүктүрүү фонду улуттук валюта менен берилген кредиттин пайыздык ченин төмөндөттү. Бул тууралуу аталган фонддон кабарлашты.

Пайыздык ченди төмөндөтүү кичи жана чоң бизнес менен алектенген атамекендик ишкерлерди колдоо программасынын алкагында жасалат.

"Улуттук валютада берилген насыялардын жылдык пайыздык чени 10 пайыздан 9 пайызга төмөндөйт. Мындай жеңилдиктер айыл чарба, жеңил өнөр жай, машина куруу сыяктуу тармактарга берилет. Ошондой эле Бишкектеги туризм жана билим берүү инфраструктурасын жакшыртууга багытталган долбоорлор үчүн дагы пайыздык чендер азайтылды. Мындан ары аталган долбоорлорго насыялар жылдык 11 пайыз менен берилет (буга чейин 12 пайыз болчу)", — деп айтылат маалыматта.

Ставкалардын төмөндөшү жаңы түзүлгөн насыялык долбоорлор үчүн гана иштейт. Кыргызстандыктар кредитти Россия-кыргыз өнүктүрүү фондусунун линиясы аркылуу бардык өнөктөш банктардан ала алат.

Толугураак маалыматты сайттан же +996312303750 номери аркылуу алууга болот.

Тема боюнча

Путин: кыргыз продукциясы 2020-жылдан тарта КРде сертификацияланат
Белгилер:
кредит, Кыргыз-орус өнүктүрүү фонду, Кыргызстан

ЭҢ МААНИЛҮҮ