23:00 25 Жалган Куран 2019
Түз эфир
  • USD69.7441
  • EUR78.9154
  • RUB1.0813
Борбор азия мамлекеттеринин желектери. Архив

Борбор Азия өлкөлөрү инвестиция, соода жана туризм тармагында бирге иш кылат

© Пресс-служба президента КР / Султан Досалиев
Экономика
Кыскача шилтеме алуу
61 0 0

Боронов Борбор Азияда өндүрүлгөн товарлар алыскы чет өлкөлөрдөн ташылган импорттук продукцияларга салыштырмалуу Кыргызстандын жана Өзбекстандын базарларында артыкчылыкка ээ болууга тийиш экенин кошумчалады.

БИШКЕК, 16-мар. — Sputnik. Кыргызcтандын биринчи вице-премьер-министри Кубатбек Боронов Ташкент шаарында Борбор Азия экономикалык форумунун (БАЭФ) пленардык жыйынына катышууда. Бул тууралуу өкмөттүн маалымат кызматы билдирди.

Боронов жыйында өлкөлөр ортосундагы соода-экономикалык жана инвестициялык байланыштарды жаңы деңгээлге чыгаруу милдети турганын белгиледи.

"Биздин өлкөлөрдүн ортосундагы соода-экономикалык потенциал толук пайдаланылбай жатканын эске алуу менен товар жүгүртүүнүн көлөмү көптөгөн жылдар бою жетишсиз болууда. Бул өңүттөн алганда бүгүнкү форум Борбор Азия аймагында соода-экономикалык алакаларды өнүктүрүүнүн көйгөйлүү маселелерин чечүү максатында "акыл чабуулу" үчүн жакшы аянтча болуп саналат. Ага тараптардын мамлекеттик органдарынын гана эмес, бизнес-коомчулук өкүлдөрүнүн катышып жатканы кубандырат", — деди Боронов.

Ал ошондой эле форумдун алкагында өткөрүлгөн Борбор Азия өлкөлөрүнүн кооперациялык биржа жана товар өндүрүүчүлөрүнүн продукцияларынын көргөзмөсү сыяктуу иш-чаралар маанилүү болуп саналарын билдирди.

Мындан тышкары, биринчи вице-премьер кооперациялык байланыштарды инвестициялык кызматташууну өнүктүрүү, продукциялардын атаандаштыкка жөндөмдүүлүгүн жогорулатуу эки өлкөнүн экономикасын ийгиликтүү өнүктүрүүдө негизги мааниге ээ экендигине көңүл бурду. Кыргыз тарап ички аймактык сооданы бекемдөө жана товарлардын жана кызмат көрсөтүүлөрдүн агымына тоскоолдуктарды кыскартуу маселелерине басым жасоого чакырарын айтты.

Борбор Азияда өндүрүлгөн товарлар алыскы чет өлкөлөрдөн ташылган импорттук продукцияларга салыштырмалуу Кыргызстандын жана Өзбекстандын базарларында артыкчылыкка ээ болууга тийиш экенин кошумчалады.

15-мартта Борбор Азия өлкөлөрү – Казакстан, Кыргызстан, Тажикстан, Түркмөнстан, Өзбекстандын премьер-министрлеринин орун басарларынын катышуусунда Биринчи Борбор Азия экономикалык форуму өтүп жатат. Күн тартибинде инвестициялык кызматташууну кеңейтүү, аймактык сооданы өбөлгөлөө, туристтик жагымдуулукту арттыруу, транспорттук жана транзиттик потенциалды өстүрүү маселелерин талкууланат.

Тема боюнча

Улуттук банк акчанын болуп көрбөгөндөй сыртка агылышына түшүндүрмө берди
Адис: казак буудайынын кымбатташы ундун баасын көтөрөт
Белгилер:
Кубатбек Боронов, инвестициялар, өкмөт

ЭҢ МААНИЛҮҮ