11:59 17 Кулжа 2019
Түз эфир
  • USD69.8500
  • EUR78.7838
  • RUB1.0841
Акча. Архивдик сүрөт

Кыргызстанда Бизнес-омбудсмен институту түзүлмөй болду. Эмне иш кылат?

© Sputnik / Табылды Кадырбеков
Экономика
Кыскача шилтеме алуу
130 0 0

Институт ишкерлердин эркиндигин, кызыкчылыгын коргойт.

БИШКЕК, 8-янв. — Sputnik. Премьер-министр Мухаммедкалый Абылгазиев Бизнес-омбудсмен институтун түзүү жөнүндө токтомго кол койду. Бул тууралуу өкмөттөн билдиришти.

Маалыматка караганда, аталган институт ишкер субъектилеринин укугун, эркиндигин жана мыйзамдуу кызыкчылыктарын коргоо боюнча ыйгарым укуктуу жак болуп саналат.

"Бизнес-омбудсмен ага жүктөлгөн милдеттерге жана укуктарга ылайык, ишкерлик субъектилердин бузулган укуктарын, мыйзамдуу кызыкчылыгын коргоп, бузулушунун алдын алуу максатында мамлекеттик органдардын жана жергиликтүү өз алдынча башкаруу органдарынын ишмердигин ачык алып барууга көмөктөшөт", — деп айтылат маалыматта.

Бизнес-омбудсмендин өз катчылыгы болот, ал ишкерлердин кайрылууларын жана даттанууларын карайт. Катчылык мамлекеттик орган болуп саналбайт жана аларга отчеттуу эмес.

Бизнес-омбудсмен кызмат ордун каалаган жаран, чет элдиктер дагы ээлей алат. Бизнес-омбудсмен кызматка беш жылдык мөөнөткө дайындалат. Ошол эле учурда бир эле адам бул кызматты эки мөөнөттөн ашык ээлей албайт.

Бизнес-омбудсмендин ишмердигин каржылоо эл аралык өнөктөштөрдүн эсебинен ишке ашырылат.

Тема боюнча

Дүйнөлүк банк Кыргызстанга 46 млн. доллар берет. Акча эмнеге жумшалат?
Кыргызстандын 5000 сомдук купюрасы аукциондо он эсе кымбат сатылууда
Белгилер:
институт, бизнес, Кыргызстан

ЭҢ МААНИЛҮҮ