12:44 19 Баш оона 2019
Түз эфир
  • USD69.7979
  • EUR77.3640
  • RUB1.0576
АКШ долларлары. Архив

Дүйнөлүк банк Кыргызстанга 46 млн. доллар берет. Акча эмнеге жумшалат?

© AFP 2019 / MAHMUD TURKIA
Экономика
Кыскача шилтеме алуу
245 0 0

Каражат жылуулук менен жабдуунун натыйжалуулугу жана сапатын жакшыртууга багытталган.

БИШКЕК, 5-янв. — Sputnik. Дүйнөлүк банк Кыргызстанда Жылуулук менен жабдууну жакшыртуу долбоорун ишке ашырууга 46 миллион доллар бөлөт.

Жогорку Кеӊеште Кыргызстан менен Эл аралык өнүктүрүү ассоциациясынын ортосундагы Каржылоо жөнүндө макулдашууну ратификациялоо тууралуу мыйзам долбоору каралып, экинчи окууда добуш берүүгө жөнөтүлгөн.

Келишимге ылайык, аталган долбоор жылуулук менен жабдуунун натыйжалуулугу жана сапатын жакшыртууга багытталган.

Долбоор үч курамдан турат:

1. Бишкек шаарынын борборлошкон жылуулук менен жабдуу тутумунун сапатын жогорулатууга багытталып 31 миллион доллар бөлүнөт. Анын 23 миллиону насыя, 8 миллион доллары грант. Насыянын төлөө мөөнөтү 38 жыл, жеңилдетилген мөөнөтү 6 жыл, ал эми пайыздык коюму 0,75 пайыз.

2. Экологиялык программаны иштеп чыгуу жана жүзөгө ашыруу чараларына 5 миллион доллар грант катары берилет;

3. Коомдук имараттардын энергиялык натыйжалуулугун жогорулатууга 10 миллион долларлык грант.

Тема боюнча

Дүйнөлүк банк Кыргызстанга 24 млн. доллар бөлөт. Акча кайда жумшалат
Россия-кыргыз өнүктүрүү фондусу насыя түрүндө 300 млн. доллар берди
Белгилер:
келишим, грант, насыя, Жогорку Кеңеш, дүйнөлүк банк

ЭҢ МААНИЛҮҮ