05:45 22 Тогуздун айы 2021
Түз эфир
  • USD84.8000
  • EUR98.7242
  • RUB1.1945
Экономика
Кыскача шилтеме алуу
338 0 0

Исмаилов дарыгерлер фармакологиялык компаниялар менен жең ичинен сүйлөшүп алып, алардын дарыларын бейтаптарга мажбурлап сатып жатканын айтты.

БИШКЕК, 18-дек. — Sputnik. Улуттук коопсуздук боюнча мамлекеттик комитеттин Коррупцияга каршы күрөшүү кызматынын башчысы Сагынбек Исмаилов Саламаттык сактоо министрлигинин айрым жүргүзүп жаткан иштерин сынга алды.

Бүгүн, 18-декабрда, "Ала-Арча" мамлекеттик резиденциясында башкы прокурор Өткүрбек Жамшитовдун төрагалыгы алдында Координациялык кеңеш өттү. Анда мамлекеттик сатып алуулар жана саламаттык сактоо системасындагы коррупцияга каршы күрөшүү жана башка маселелер каралды.

Исмаиловдун айтымында, өзгөчө сасык тумоого каршы вакцина сатып алууда алгылыктуу иштер жок. Андан сырткары, ал айрым дарыгерлер фармакологиялык компаниялар менен жең ичинен сүйлөшүп, алардын дары-дармегин бейтаптарга мажбурлап сатып жатканына токтолду.

Коррупцияга каршы күрөшүү кызматтын башчысы өз сөзүндө дары сатууда коррупциялык иштер көз-көрүнөө болуп жатканын айтты.

"Азыр дарыгерлер бейтаптарга "дарыканага барып менин атымды атайсың, сага арзандатып берет" деп атышат. Мына коррупция кайда жатат. Келгиле, фармбарондор менен күрөшөлү. Ага убакыт келип жетти", — деди ал.

Өз кезегинде саламаттык сактоо министри Космосбек Чолпонбаев акча жоктугунан вакцина жетиштүү көлөмдө сатып алынбай жатканын айтып, бул багытта донорлор менен биргеликте иштеп жатканын белгиледи.

Исмаилов: "Эгер акча жок болуп жатса, бул маселени Жогорку Кеңеште көтөрүш керек. Депутаттар вакцина алууга акча бөлүүнү колдоп берерине ишенем",- деди.

Тема боюнча

Дарыга акча таппай акка моюн сунгандар. Ракты жеңүү Кыргызстанда кыйын жана кымбатпы?
Белгилер:
Бишкек, Сагынбек Исмаилов, Космосбек Чолпонбаев, КР Саламаттык сактоо министрлиги, вакцина, коррупция

ЭҢ МААНИЛҮҮ