12:57 16 Тогуздун айы 2018
Түз эфир
  • USD69.1798
  • EUR80.0687
  • RUB1.0522
Россия Кыргызстан желеги. Архивдик сүрөт

Кыргызстанда 8 миллион долларлык долбоор ишке кирди. Пайда-батасы

© Sputnik / Табылды Кадырбеков
Экономика
Кыскача шилтеме алуу
307 0 0

Бөлүнгөн каражаттын арты менен жакыр жашаган 100 миңдеген үй-бүлөгө айыл чарба продукцияларын өндүрүүгө колдоо көрсөтүлөт.

БИШКЕК, 9-окт. — Sputnik. Россия өкмөтү Кыргызстандын соода-сатык коопсуздугун жакшыртууга багытталган долбоорду ишке ашыруу үчүн сегиз миллион доллар бөлдү. Бул тууралуу Россиянын Кыргызстандагы элчиси Андрей Крутько Sputnik Кыргызстан агенттигинин мультимедиалык маалымат борборунда өткөн жыйында билдирди.

Гранттык каражаттын арты менен 300 айыл аймагынжа жакыр жашаган 100 миңдеген үй-бүлөгө айыл чарба продукцияларын өндүрүүгө колдоо көрсөтүлүп, жарандардын кирешесин арттырууга жол ачылат. Ошондой эле каржы жаратылыш кырсыктарынын алдын алуу иштерине да багытталат. Көрсөтүлгөн сумма долбоорду ишке ашырганы жаткан БУУнун Дүйнөлүк соода-сатык программасына которулган.

Крутько Кыргызстанды колдоого багытталган бул алгачкы программа эместигин белгиледи. Анын айтымында, ишке ашкан башка дагы донорлук долбоорлор өз жыйынтыктарын бере баштады.

"Мектептерге ысык тамак берүү боюнча долбоордун ишке ашканын айта кетейин. Бул анча өнүгө элек аймактардагы билим берүү мекемелерине жакшы эле жардам болду. Ага 10 миллион доллар жумшалып, реалдуу жыйынтыктарын берип жатат. Программага тийиштиги жок мектептер дагы үлгү алып, жеке өздөрүнүн каражатына ысык тамак бере баштады", — деди Крутько.

Ал эми БУУнун Дүйнөлүк соода-сатык программасынын Кыргызстандагы директору Андреа Баньоли каражат бөлгөн Россиянын өкмөтүнө ыраазычылык билдирип, РФ эң негизги донорлордун бири экенин белгиледи.

Тема боюнча

Төө буурчактын баасы көтөрүлөбү? Таластык дыйкандардын арыз-муңу
Белгилер:
грант, айыл чарба, Россия, Кыргызстан
Колдонуу эрежелериПикирлер

ЭҢ МААНИЛҮҮ