22:05 01 Тогуздун айы 2020
Түз эфир
  • USD79.4881
  • EUR93.2356
  • RUB1.0286
Экономика
Кыскача шилтеме алуу
155 0 0

Сооронбай Жээнбеков "Мекендештер" форумунда сөз сүйлөдү.

БИШКЕК, 8-авг. — Sputnik. Өлкө башчысы Сооронбай Жээнбеков чет жактагы мекендештер менен тыгыз иштей турчу атайын кеңеш түзүлөрүн Чолпон-Ата шаарында өтүп жаткан "Мекендештер" форумунда билдиргенин президенттин маалымат кызматы маалымдады.

Президент учурда чет жактагы мекендештер Кыргызстандын өнүгүүсүнө өбөлгө болуучу мыкты сапаттарга ээ болуп калганын белгиледи.

"Чоң ийгиликтерге жетип "ири инвестициялык долбоорлорго каражат салсак, инвестицияларды тартып келсек" деген мекендештерибиз бар. Алар өздөрү жашап-иштеген өлкөлөрдөн көргөн, үйрөнгөн көптөгөн жакшы иштерди Кыргызстанга алып келип, өлкөбүздүн өнүгүшүнө салым кошууда. Мекенчил замандаштарыбызга бирдиктүү платформа, бириктирүүчү аянт керек. Мамлекет менен чогуу иштөө үчүн мекендеш инвесторлор менен туруктуу мүнөздө иштей турган кеңеш түзсөк максатка ылайыктуу болот. Бул кеӊешти президентке караштуу кылып түзсөм деген оюм бар", — деди Жээнбеков.

Президент ошондой эле чет жакта иштеп жүргөн мекендештердин артында калдайган эл, кызыкчылыгын коргогон мамлекет бар экенин кошумчалады.

Мурдагы президент Роза Отунбаеванын "Роза Отунбаеванын демилгеси" эл аралык коомдук фондусу тарабынан "Мекендештер" форуму ушуну менен төртүнчү ирет өткөрүлүп жатат.

Аталган форум 8-9-август аралыгында Чолпон-Ата шаарында өтмөкчү.

Тема боюнча

Интеллигенция, Жээнбеков жана небере тууралуу. Роза Отунбаева менен маек
Панкратов коомду дүрбөлөңгө салган салык тууралуу айтып берди
Белгилер:
кайрылуу, Сооронбай Жээнбеков, Чолпон-Ата, Ысык-Көл

ЭҢ МААНИЛҮҮ