19:30 21 Тогуздун айы 2018
Түз эфир
  • USD69.3251
  • EUR79.3703
  • RUB1.0533
Кыргызстандын желеги. Архив

Париж, Дубай, Анкарага жөнөтүлгөн товарлар. Чет өлкөдө таанымал кыргыз бренддери

© Sputnik / Табылды Кадырбеков
Экономика
Кыскача шилтеме алуу
Бегимай Бакашева
123810

Кыргызстандык ишкерлер Казакстан, Өзбекстан жана Россиядан тышкары, Европа жана Араб өлкөлөрүнө товар жеткирет

БИШКЕК, 13-фев. — Sputnik. Америкалык Nike, германиялык Adidas, швейцариялык Nestle компанияларынын товарлары өз мекенинде гана эмес, бүткүл дүйнөдө, анын ичинде Кыргызстанда дагы эл оозуна алынган. Sputnik Кыргызстан агенттиги Кыргызстанда өндүрүлүп, чет элдиктердин кызыгуусун жараткан бренддерди издеп көрдү.

Ата мекендик бренддерди жакынкы гана эмес, алыскы дагы чет өлкөлөргө экспорттоо боюнча Соода-ѳнѳр жай палатасынын улук вице-президенти Амангелды Давлеталиев айтып берди.

"Бишкек-Экспо" ЖЧКсы — күнжүт, тобурчак жана жүзүм данектеринин майын Германия менен Голландияга экспорттойт. Алар косметика жасоо жана фармацевтика тармактарында колдонулат.

Abada Trade (Талас облосу) — буурчак, жаңгак, кургатылган жер-жемиш сыяктуу экологиялык таза азык-түлүктөрдү Венгрия, Германия, Польша жана Түркия мамлекеттерине жөнөтөт.

"Скай" ЖЧКсы (Жалал-Абад) — Түркия, Балкан, Венгрия жана Польша мамлекеттерине бадам, абрикос, буурчак жана жаңгач ташыйт. Ушул эле компания Франция менен Германияга дагы товар жиберип жүрөт.

"Сүт-Булак" ЖАКы (Бишкек) — Швейцария сырларын өндүрүп, Швейцариянын өзүндө, Францияда сатат.

"АЮ" компаниясын кыргызстандыктар спирт ичимдиктерин өндүргөн ишкана деп билсе, Катар жана Сауд Аравиясында ал өзүнүн артезиан суусу менен белгилүү.

"Кыргыз балчылар союзунун" жардамы менен кыргызстандык көптөгөн балчелекчилер өз продукцияларын Түштүк Корея, Япония, Монголия сыяктуу бир топ өлкөлөргө алып чыгышат.

"Ак-Жалга" ААКсы (Ысык-Көл облусу) — быштак жана "чечил" сырын өндүрүп, Россия менен Казакстандын базарларына жеткирет.

Давлеталиевдин айтымында, ушул жана башка компаниялар айнек, радиатор, лампа сыяктуу көптөгөн товарларды ЕАЭБ курамына кирген өлкөлөргө да жөнөтүшөт.

"Анткен менен ири өлчөмдө тамак-аш экспорттого мүмкүнчүлүк жок. Биз азыр өнөктөш тапсак дагы аны чоң көлөмдө жана тынымсыз товар менен камсыздай албайбыз. Муну чечүүнүн бирден-бир жолу — логистикалык борборлорду ачуу", — деди Давлеталиев.

Кыргызстан алыскы гана эмес, коңшу өлкөлөр менен дагы экспорт жаатында тыгыз иштешүүнү пландап жатат. Мисалы, өткөн жылдын аягында "Өзбекстан — Кыргызстан" бизнес-форумунун алкагында 200 миллион долларга продукция жеткирүү боюнча келишимдерге кол коюлган. Ага ылайык эми кыргыз ишкерлери Өзбекстанга дөңгөлөк, таш, суу, бал, өсүмдүк майы сыяктуу товарларды жеткирмей болгон.

Тема боюнча

Өзбекстан аркылуу товар ташып келүү арзандай баштады
Кыргыз-өзбек ишкерлери 200 миллион долларлык келишимдерди түзүштү. Тизме
Белгилер:
бренд, товар, экспорт, Кыргызстан
Колдонуу эрежелериПикирлер

ЭҢ МААНИЛҮҮ