16:32 24 Аяк оона 2018
Түз эфир
  • USD69.1133
  • EUR81.3325
  • RUB1.0446
Улуттук банктын жетекчиси Толкунбек Абдыгуловдун архивдик сүрөтү

Абдыгулов: Улуттук банктын резервдери жаман эмес

© Пресс-служба президента КР / Султан Досалиев
Экономика
Кыскача шилтеме алуу
5210

Президент Абдыгуловду кабыл алып жатканда банк системасына көбүрөөк көңүл бөлүү зарылдыгын айтты

БИШКЕК, 12-янв. — Sputnik. Улуттук банктын резерви 2 миллиард 182 миллион долларды түзүп, бул келечекке ишеним жаратат. Мындай маалыматты аталган банктын жетекчиси Толкунбек Абдыгулов президент Сооронбай Жээнбеков кабыл алганда айтты.

Абдыгулов Улуттук банктын макроэкономикалык абалдын туруктуулугун камсыздоо, улуттук валютанын туруктуу курсун сактап туруу, банктык жана төлөм системасынын коопсуздугун сактоо боюнча көрүлүп жаткан чаралары тууралуу айтып берди.

Ал мындан аркы иштер дүйнөлүк банктардын тажрыйбасын эске алып кабыл алынган банк тармагындагы жаңы мыйзамдык актыларды кеңири пайдалануу жаатында да болорун маалымдады.

Жээнбеков өлкөдөгү финансылык-насыялык мекемелердин туруктуу жана ишенимдүү иш алып баруу зарылдыгын белгилеп, улуттук валютанын туруктуулугун колдоого басым жасады.

Мамлекет башчысы Улуттук банктын жана аталган тармактагы жалпы системанын башкы багыты катары банк инфратүзүмүн өнүктүрүү зарылдыгын айтты. Облустарда ПОС-терминалдардын, банкоматтардын санын көбөйтүү жана нак эмес төлөмдөрдүн көлөмүн арттыруу керектигин белгиледи.

Мындан сырткары, пайыздык чендерди, экономикадагы дедолларизацияны азайтуу, аны менен бирге эле элге узак мөөнөттүү насыяларды берүүнүн жол-жоболорун иштеп чыгуу талкууланды.

Тема боюнча

Казакстан Кыргызстанга 200 млн. теңге гуманитардык жардам бөлдү
Улуттук банк сомдун куну былтыр кандай өзгөргөнүн маалымдады
Белгилер:
экономика, Улуттук банк, Сооронбай Жээнбеков, Толкунбек Абдыгулов
Колдонуу эрежелериПикирлер

ЭҢ МААНИЛҮҮ