БИШКЕК, 3-мар. — Sputnik. Улуттук банк өткөн жылдын 23-июлунан бери биринчи жолу базарга доллар сатып алуу үчүн чыкты. Бул тууралуу мекеменин сайтында айтылат.
Былтыр акыркы ирет 3,2 миллион доллар сатып алып, андан кийин 41 жолу чет элдик валютаны саткан. Быйылкы январь айынын дээрлик ар бир күнүндө банк тарабынан интервенциялар жасалып келген.
Кечээ Улуттук банк тогуз миллион доллар сатып алды. Интервенция ар кандай себептер менен, анын ичинде валюта курсун турукташтыруу үчүн жасалат.
Улуттук банктын маалыматы боюнча жыл башынан бери доллардын курсу 2,85 сомго төмөндөп, 73 сомду түзүүдө.
