14:31 14 Кулжа 2021
Түз эфир
  • USD84.5671
  • EUR102.8843
  • RUB1.1798
Маданият
Кыскача шилтеме алуу
61 0 0

Эл аралык фестиваль 21-апрель күнү саат 18:00дө Жузеппе Вердинин "Аида" операсы менен ачыла турганы маалым болду.

БИШКЕК, 21-апр. — Sputnik. Ордо калаада Абдылас Малдыбаев атындагы Кыргыз улуттук академиялык опера жана балет театрында СССРдин эл артисти Болот Миңжылкыев атындагы IV эл аралык опера искусствосунун фестивалы өтөт. Бул тууралуу Маданият, маалымат, спорт жана жаштар саясаты министрлигинен билдиришти.

Иш-чара 21-апрелде башталып, 25-апрелде аяктай турганы маалым болду.

"Фестивалга Россия, Казакстан, Тажикстан, Түркия, Өзбекстан, Украина жана Кыргызстандын опера сахнасынын жылдыздары, мыкты вокалисттери катышат. Көрүүчүлөргө дүйнөлүк опера классикасынын шедеврлери, театрдын репертуарындагы мыкты чыгармалар тартууланат. Фестиваль 21-апрель күнү саат 18:00дө Жузеппе Вердинин "Аида" операсы менен ачылат", — деп айтылат билдирмеде.

23-апрелде гала-концерт өтүп, анда улуттук, чет элдик жана орус классикасынын мыкты чыгармалары жаңыра турганы айтылды.

Фестиваль 25-апрелде легендарлуу Александр Бородиндин "Князь Игорь" операсы менен аяктамакчы.

Тема боюнча

"Ак Мөөр" операсы 20 жылдан кийин кайрадан жаңыртылып коюлду. Сүрөттөр
Белгилер:
концерт, фестиваль, опера, Болот Миңжылкыев

ЭҢ МААНИЛҮҮ