Мирбек Атабеков "Мурас" ырын ырдаган россиялык кызга ыраазы болду
Мирбек Атабеков "Мурас" ырын ырдаган россиялык кызга ыраазы болду
Sputnik Кыргызстан
Ырчы кыз "Мурас" ырын кыргыз тилинде аткарып, орус тилинде дагы бир куплет кошкон. Ыр эмне жөнүндө экени түшүнүктүү болушу үчүн котормосун да берген. 25.06.2020, Sputnik Кыргызстан
Ырчы кыз "Мурас" ырын кыргыз тилинде аткарып, орус тилинде дагы бир куплет кошкон. Ыр эмне жөнүндө экени түшүнүктүү болушу үчүн котормосун да берген.
БИШКЕК, 25-июн. — Sputnik. Кыргызстандын эмгек сиңирген артисти Мирбек Атабеков россиялык Алиса Супронованын "Мурас" ырын аткарганына көңүл буруп, ыраазычылык айтты.
Кыргызстандык ырчы чыгармасы Кыргызстандан башка чет жактарда ырдалып жатканы зор сыймык экенин өзүнүн Instagram баракчасында белгилейт. 20 жаштагы россиялык Супронова кыргыз ырчысынын репертуарындагы "Мурас" ("Наследие") ырын кыргыз тилинде аткарган.
"Учурда дүйнөнү кырсык каптап турганына карабастан, музыка адамдын жан дүйнөсүнө шык берип, бүтүндөй дүйнө элин бириктирет! Алисага менин эне тилимде ырдаганы үчүн ыраазычылык айтам. Мен бүтүндөй чечен элине урматымды билдирем", — деп жазган Атабеков.
Чечен Республикасынын эмгек сиңирген артисти 2000-жылы 4-июнда Магаданда төрөлүп, учурда Санкт-Петербург шаарында жашаарын айтат. Россия жана мурдагы СССРдин курамындагы республикалардын элдеринин тилинде ырдайт.
