Ырчы Омар Казакстанда өткөн Silk Way Star эл аралык сынагында баш байгеге ээ болду

© Sputnik / Табылды КадырбековПевец Омурбек Жанышев. Архивное фото
Певец Омурбек Жанышев. Архивное фото - Sputnik Кыргызстан
Жазылуу
Эл аралык сынакка тогуз өлкөнүн популярдуу ырчылары катышкан.

БИШКЕК, 16-дек. — Sputnik. Ырчы Омар Жанышов Казакстанда өткөн Silk Way Star эл аралык сынагында баш байгени багындырды. Бул тууралуу Sputnik Кыргызстан маалымат агенттигине ырчынын менеджери Миргүл Эсеналиева билдирди.

Анын айтымында, үч айга созулган музыкалык шоу жалпы 12 этаптан туруп, ар бирине ырчылар ар түрдүү тематикада даярданышкан.

Публикация от ⠀⠀⠀⠀⠀⠀⠀⠀⠀OMAR ZHANYSHOV (@omar.zhanyshov) Дек 13 2017 в 11:49 PST

"Эл аралык сынакка Кыргызстан, Казакстан, Азербайжан, Түркия, Грузия, Башкыртстан, Татарстан, Өзбекстан, Тажикстан өлкөлөрүнүн популярдуу ырчылары катышты. Ошондой эле ар бир өлкөдөн бирден калыстар тобунун мүчөсү шайланып, алардын арасында биздин мамлекеттен ырчы Гүлнур Сатылганова отурду", — деди Эсеналиева.

Эске салсак, Омар буга чейин Сочиде өткөн "Жаңы толкун — 2008" эл аралык жаш таланттар сынагынын лауреаты болуп, Алла Пугачеванын алтын жылдыз сыйлыгына татыган.

Жаңылыктар түрмөгү
0