03:55 26 Аяк оона 2018
Түз эфир
  • USD69.0754
  • EUR81.2361
  • RUB1.0494
Ден соолугу жактан мүмкүнчүлүгү чектелген жигиттер менен бир кыздан турган Тумар бий тобунун архивдик сүрөтү

America's Got Talent: "Тумар" кастингдин жыйынтыктарын февралда угат

© Sputnik / Табылды Кадырбеков
Маданият
Кыскача шилтеме алуу
6410

Нью-Йоркто өткөн таланттарды тандоо сынагы дем алыш күндөрү өттү. Катышуучулар арасында кыргызстандыктар да болгон.

БИШКЕК, 30-янв. — Sputnik. Ден соолугу жактан мүмкүнчүлүгү чектелген жигиттер менен бир кыздан турган "Тумар" бий тобу America's Got Talent аттуу Нью-Йоркто өткөн сынакта өнөрлөрүн тартуулаганын Sputnik Кыргызстан агенттигинин кабарчысына коомдук ишкер Ассоль Молдокматова билдирди.

"Тумар тобу өздөрүн татыктуу көрсөтө алышты. Эми кастингдин жыйынтыктары февраль айында белгилүү болот. Бийчилер дүйшөмбү күнү мекенге кайтышат", — деди Молдокматова.

Сынак узаган дем алыш күндөрү Нью-Йоркто өттү. Буга чейин бий тобу Американын таланттар сынагына бир нече ирет чакырылган. Бирок каражаттын жоктугунан бара алышкан эмес. Бул сапар сынакка баруу чыгымдарын меценат Нургалы Асаналиев каржылап берген.

Молдокматова бий топтун мүчөлөрү Адина менен Эрдик Кыргызстанга келгенден кийин спорттук чемпионаттарга катышууну пландап жатышканын билдирди. Бирок ал үчүн атайын жасалган 4500 долларлык коляска керек экенин кошумчалап, каражат чогултуу кампаниясы өткөрүлөрүн айтты.

"Тумар" тобу эл аралык сынактарга биринчи ирет катышып жаткан жок. Өткөн жылдын ноябрь айында Česko Slovensko má talent (Чехия жана Словакия) сынагында үчүнчү орунду ээлеген. 2015-жылы Түркияда өткөн таланттар сынагына катышып бирок жарым финалга чыкпай калган.

Тема боюнча

"Тумар" тобу Словакияга кетээр алдында карылардын батасын алган
Словакиядагы сынакта мүмкүнчүлүгү чектелген "Тумар" бийчилер тобу 3-орунга ээ болду
Эрмек Кадыров: "Тумар" бий тобунун номерлерин бийчилер менен чогуу тандайбыз
Белгилер:
сынак, талант, Тумар бий тобу, Нью-Йорк
Колдонуу эрежелериПикирлер

ЭҢ МААНИЛҮҮ