Жан Воинов менен Айым Айылчиева Барселонада тасмага тартылып келишти

© Sputnik / Жоомарт УраимовСнимок с социальной сети Instagram пользователя aiymaiylchieva. Популярный танцор Жан Воинов и юная певица Айыма Айылчиева
Снимок с социальной сети Instagram пользователя aiymaiylchieva. Популярный танцор Жан Воинов и юная певица Айыма Айылчиева - Sputnik Кыргызстан
Жазылуу
Жан Воинов тартылган тасма Кыргызстанда жаз айларында көрсөтүлөт. Фильмде Жан менен бирге жаш ырчы Айым Айылчиева өз мүмкүнчүлүгүн сынады.

БИШКЕК, 21-дек. — Sputnik. Белгилүү бийчи Жан Воинов менен жакын досу Миша Ем биргелешип тасма тартышууда. Кинонун жарымы Испаниянын Барселона шаарында тартылды. Бул тууралуу бийчи Sputnik Кыргызстан агенттигинин кабарчысына билдирди. 

Жандын айтымында, тасманын идеясы, сценарийи Миша Емге таандык, тасманын режиссеру дагы ал. Ал эми Воинов башкы каармандын ролун аткарды. 

"Досум экөөбүздүн чыгармачылык долбоорубуз болгон тасманын аталышы тактала элек. Өткөн жумада Барселонадагы тартуу иштерин аяктап, Бишкекке учуп келдик. Жалпысынан айтсам, тасманын жанры окуялуу комедия, үй-бүлө менен отуруп көрө турган фильм", — деди Воинов. 

Тасмага кыргыз жылдыздарынан жаш ырчы Айым Айылчиева дагы катышты. 

"Айым Айылчиева экөөбүз башкы каармандардын ролун аткарабыз. Андан тышкары, казакстандык бир топ белгилүү адамдар тартылды, азырынча алардын аттарын атабай турайын. Фильм Казакстанда дагы көрсөтүлөт", — деди бийчи. 

Кыргызстандык бийчи Жан Воинов. Архивдик сүрөт - Sputnik Кыргызстан
КР бийчиси Жан Воиновдун "Танцы" шоусундагы бийин ТНТ каналы көрсөттү
Тасманын эмнеге Барселонада тартылганын Жан ал дүйнө жүзүнүн эң көп улуттуу он шаарына киргендиги жана кооз жерлеринин көптүгү менен түшүндүрдү. 

Барселонага болгон сапарында Жан Воинов менен Айым Айылчиева Чемпиондор лигасынын беттешүүсүнө барышкан. Ал жерден "Барсанын" күйөрмандары ырчы кыз колунда кармап жүргөн кыргыз курама командасынын футболкасына кызыгышкан.

Жаңылыктар түрмөгү
0