БИШКЕК, 13-ноя. — Sputnik. Чыңгыз Айтматов атындагы Кино үйүндө СССР эл артисти, кинорежиссер Төлөмүш Океевдин элесине арналган кинофестиваль өтө турганын Кинематография департаменти билдирди.
Иш-чаранын программасында Океевдин толук метраждуу көркөм тасмаларынын ретроспективасы, режиссердун атын алган "Кыргызфильм" студиясында тартылып эл аралык кинофестивалдарга катышкан тасмалар, бүгүнкү режиссерлордун эмгектери жана "Төлөмүш Океев" аттуу даректүү тасмасынын көрсөтүлөрү пландаштырылган.
Бүгүн, 13-ноябрь күнү саат 15.00дө "Төлөмүш Океев" даректүү тасмасы менен бирге 1966-жылы тартылган "Бакайдын жайыты" фильми көрсөтүлөт.
Ал эми кечинде, саат 17.00дө 2011-жылы "Кыргызфильм" киностудиясында тартылган "Назик канбийке" тасмасы тартууланат.
Фестивалдын экинчи күнүндө Океевдин тандалган тасмаларынын DVD-коллекциясынын бет ачары өтүп, 1975-жылы тартылган "Кызыл алма" тасмасы көрсөтүлмөкчү.
Кирүү акысыз.
