00:25 24 Бирдин айы 2018
Түз эфир
Кичинекей баланын колун. Архивдик сүрөт

Амансызбы, бурадар? Өлкөдө 10:15. Бейишке барагой, Бексултан!..

© Sputnik / Владимир Песня
Бурадар
Кыскача шилтеме алуу
21202

Кутман таң! Агарып аткан таң аруулук тартууласын!

Бирөөгө кор, бирөөгө зар бала. Кечээ күнү кечке оюман үч жаштагы Бексултан кетпеди. Таш боор энесинин токмогунан эсине келбей байкуш чүрпө периште болуп учуп кете бериптир. Аны зарыгып, Кудайдан амандыгын тилеп эч ким күтпөгөнүн жүрөгү сезген го, кургурдун… "Эсине келбей чарчаптыр" деген жаңылыкты укканда көзгө дароо жаш тегеренди.

Бир убакта наристенин сөөгүн апасынын туугандары алуудан баш тартыптыр деген билдирүү келди. Жүрөгүм канап кетти… Адамдардын ушунчалык таш боор, мере болуп баратканына бир чети таарынсам, бир чети таң калдым. Карга да баласын аппагым дейт экен, балада эмне күнөө, анысы аз келгенсип көмгөндөн баш тарткандары кандай? Никесиз төрөлгөн болсо да эки көзүн жайнаткан наристе эле го… Бир сөз менен айтканда акмактар экен. Жумуштан чыгып үйгө барсам ызылдап балдарым тосуп алды. Кайрадан байкуш Бексултан эсиме түштү… Кичинекейлеримди кучактап дагы бир бышактап алдым.

Кечээ жүрөк ооруткан жаңылыктар көп болду. Таң атпай көчө шыпырып жүргөн жеринен бир аялды унаа сүзүп кетип, ал ооруканага жетпей каза болуптур. Көрсө, 60 жашка таяп калган аял бала-бакыра багам деп Миң-Куштан келип иштеп жатыптыр

© Ruptly
Момент падения Ан-148 в Подмосковье попал на камеры

Россияда оор жоготуу. Оренбург облусунун Оркс шаарын көздөй бара жаткан жүргүнчү ташыган Ан-148 учагы Подмосковьеде кулап, ичинде 71 адам болгон. Учактын кулаган учуру камерага түшүп калган

Апта ирмемине көз чаптырып туруп, биротоло кабарчыбыз Эламан Кармышаков даярдаган соцтармак кызыктарын окуй кетиңиз. Баса, кечээ Эламан кесиптешибиздин өздүк майрамы болуп, жамаат каалоо-тилек айтып, соңунда палоо жедик. Оштун баласы ашты, ай да, сонун басыптыр.

Туулган күн менен кошо маанайды Түндүк Кореянын күйөрман кыздары көтөрдү. Спортчуларын шумдук сүрөшөт экен.

Валюта наркы. Сомдун баасы долларга карата орто эсеп менен 68.29 (сатып алуу) жана 68.58 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгүсү 45.40 сом, АИ-92 үлгүсүндөгүсү 42.50 сом, ал эми дизель майы 42.00 сомдон сатылууда.

Соңку сөз. Наристелер оорубасын, бактылуу болсун!

Аманчылык каалап, Таалайгүл Усенбаева.

Белгилер:
Мунай, кызмат, валюта, Кыргызстан
Колдонуу эрежелериПикирлер

ЭҢ МААНИЛҮҮ