15:41 04 Теке 2020
Түз эфир
  • USD77.1102
  • EUR86.6140
  • RUB1.0938
Азия
Кыскача шилтеме алуу
88711

Кыргыз-тажик чек арасындагы атышуу бүгүн, 24-майда, саат 11ден өткөндө болгон. Кыргызстандык чек арачылардын арасынан ок жегендер жок.

БИШКЕК, 24-май — Sputnik. Чек арадагы чатактан улам Тажикстандын бир чек арачысы жаракат алды. Мындай маалыматты Sputnik Тажикстан маалымат агенттиги аталган мамлекеттин Улуттук коопсуздук боюнча комитетинин Чек ара күчтөрүнө шилтеме берип жазды.

Чатак кыргыз-тажик чек арасында бүгүн, 24-майда, түшкө жуук болгон.

Ведомствонун маалыматына караганда, кыргызстандык малчылар чек араны кесип өтүп, Согду облусунун аймагына кирип кеткендиктен, кайым айтышуу болуп кеткен.

"Тажик тараптан белгисиз кишилер кыргызстандык чек арачыларды көздөй ок чыгарган. Болжол менен 11:40тарда кыргыз-тажик чек арачыларынын ортосунда кыска убакытка атышуу болуп кеткен", — деп билдирген буга чейин Кыргызстандын Чек ара кызматынан.

Ал эми Тажикстан тарап — Улуттук коопсуздук боюнча комитетинен чатактан 19 жаштагы катардагы жоокер жарадар болгондугун айтышты.

"Кыргызстандык чек арачылардын огу 2001-жылы туулган Давлатёр Зоировдун бутуна тийген", — деп айтылат маалыматта.

Жоокердин абалы туурасында так маалымат айтыла элек. Кыргызстандык чек арачылардын арасынан ок жегендер жок.

Тема боюнча

Тынчсыздантат! ТИМ Тажикстандын элчисине нааразычылык нотасын тапшырды
Белгилер:
жарадар, атышуу, жоокер, кыргыз-тажик чек арасы, Тажикстан, Кыргызстан

ЭҢ МААНИЛҮҮ