09:49 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Бийлеп жаткан өзбек кыздар. Архив

Эми Өзбекстанда үй оокатын кылбаган эркектер жоопко тартылат. Жаңы мыйзам

© AP Photo / Anvar Ilyasov
Азия
Кыскача шилтеме алуу
1482 0 0

Мыйзамдын негизги максаты — аялдарды тиричиликте жана кызмат ордунда ар кандай зомбулуктардан жана кемсинтүүлөрдөн коргоо.

БИШКЕК, 24-авг. — Sputnik. Кечээ, 23-августта, өзбек парламенти "Эркектердин жана аялдардын тең укуктуулугуна кепилдик тууралуу" мыйзамды жактырды. Бул жөнүндө Sputnik Өзбекстан агенттиги жазды.

Документ мындан ары аял-эркегине карабай бардык жарандардын үй тиричилигинен тарта кызматка орношууга чейинки укугунун тең болушун камсыз кылмакчы.

Мисалы, мамлекеттик кызматка орношуу маалында, айрым учурларда болуп келгендей, эркектерге эмес, билими жана иш тажрыйбасы жетиштүү талапкерге артыкчылык берилет.

Ошондой эле баланы камсыздоо, тарбия берүү жана багууга жубайлардын экөө тең бирдей милдеттүү болот.

"Мисалы, үй жумуштарын бир гана аял киши жасайт деген түшүнүк жоголуп, милдеттер жубайларга бирдей бөлүштүрүлөт", — деп жазылат макалада.

Жынысына карап кемсинтүүгө учураган жарандар түздөн-түз сотко кайрыла алат. Кызыгы, мындай арыздануулар менен баргандар сотко мамлекеттик пошлинаны төлөбөстөн эле арыз жазса болот.

Мыйзамдын негизги максаты — аялдарды тиричиликте жана кызмат ордунда ар кандай зомбулуктардан жана кемсинтүүлөрдөн коргоо.

Эми документке президенттин кол коюсу күтүлүп жатат.

Тема боюнча

Өзбек спортчусунун видеокайрылуусун эки өлкөнүн министрлери талкуулады
Белгилер:
мыйзам, укук, аял, Өзбекстан

ЭҢ МААНИЛҮҮ