03:40 21 Баш оона 2019
Түз эфир
  • USD69.8030
  • EUR77.3278
  • RUB1.0452
Өзбекстандын биринчи президенти Ислам Каримовдун кызы Гүлнара Каримова. Архивдик сүрөт

Түрмөдөгү Гүлнара Каримова Тез жардам менен ооруканага жеткирилди

© AP Photo / Mikhail Metzel
Азия
Кыскача шилтеме алуу
334 0 0

Каримова Ташкент облусунун Заңги-Ата районундагы аялдардын №21 колониясында жаза мөөнөтүн өтөп жаткан.

БИШКЕК, 19-июл. — Sputnik. Өзбекстандын биринчи президенти Ислам Каримовдун кызы Гүлнара Каримова кармалып турган абактан Тез жардам аркылуу ооруканага жеткирилди. Бул тууралуу анын жактоочусу Грегуар Манжа билдиргенин РИА Новости жазды. 

​Жактоочу ага Каримова менен түрмөдөн жолукканга уруксат берилбегенин айтты. Абак жайдын жетекчилиги Манжадан ал чындап эле Каримованын адвокаты экенин тастыктаган документти талап кылып жатышканын билдирди.

Өзбекстандын Юстиция министрлиги Каримова Ташкент облусунун Заңги-Ата районундагы аялдардын №21 колониясында жаза мөөнөтүн өтөп жатканын маалымдаган. Аны менен катар, берилип жаткан медициналык жардамга жана жасалган мамилеге даттанбаганы кабарланган.

Эске салсак, Гүлнара Каримова 2015-жылы камакка алынган.

2017-жылы сот аны 10 жылга эркинен ажыраткан. Андан соң өкүм өзгөртүлүп, 5 жылга алмаштырылган. Кызы Иман жашап жаткан жерде жазасын өтөө чечими кабыл алынып, бирок милдеттеринен кыянатчылык менен баш тартса, сот чечимин өзгөртүшү мүмкүндүгүн айткан.

Андан кийин Каримова сот койгон тартипти бузгандыгы айтылып, жалпы тартиптеги абакка которулган. Ушу тапта ал жазасын мыйзамдык шартта өтөп жатат.

Тема боюнча

Гүлнара Каримова абакта туугандары менен жолукту
Гүлнара Каримованын Өзбекстанга чынында канча акча кайтарганы айтылды
Белгилер:
оорукана, тез жардам, түрмө, абак, Өзбекстан, Гүлнара Каримова

ЭҢ МААНИЛҮҮ